ઈંગ્લેન્ડ અને સાઉથ આફ્રિકા વચ્ચે 3 મેચની ODI સિરીઝની બીજી મેચ ખૂબ જ રોમાંચક રહી. આ મેચ બંને ટીમો વચ્ચે લોર્ડ્સમાં રમાઈ હતી, જ્યાં સાઉથ આફ્રિકાએ 5 રનથી જીત મેળવી હતી અને લાંબી રાહ જોવી પડી હતી. ટેમ્બા બાવુમાની કેપ્ટનશીપ હેઠળ, સાઉથ આફ્રિકાએ મેચમાં ઈંગ્લેન્ડને હરાવ્યું એટલું જ નહીં, પરંતુ સિરીઝમાં અજેય લીડ પણ મેળવી હતી. આ સાથે, ટેમ્બા બાવુમાએ એક એવું પરાક્રમ કર્યું જે છેલ્લા 27 વર્ષમાં કોઈ પણ સાઉથ આફ્રિકાનો કેપ્ટન કરી શક્યો નથી.
ટેમ્બા બાવુમાની કેપ્ટનશીપમાં ફરી ઇતિહાસ રચાયો
લોર્ડ્સમાં રમાયેલી આ રોમાંચક મેચમાં, સાઉથ આફ્રિકાએ પ્રથમ બેટિંગ કરતા 50 ઓવરમાં 330 રનનો વિશાળ સ્કોર બનાવ્યો. મેથ્યુ બ્રિત્ઝકેની 85 રનની શાનદાર ઇનિંગ્સ અને ટ્રિસ્ટન સ્ટબ્સ સાથેની તેમની 147 રનની ભાગીદારીએ ટીમને મજબૂત સ્થિતિમાં મૂકી દીધી. જવાબમાં, ઇંગ્લેન્ડની ટીમ 325 રનમાં ઓલઆઉટ થઈ ગઈ, જેના કારણે સાઉથ આફ્રિકા 5 રનથી જીત્યું. આ જીત એટલા માટે પણ ખાસ હતી કારણ કે 1998 પછી આ પહેલી વાર હતું જ્યારે સાઉથ આફ્રિકાએ ઇંગ્લેન્ડમાં ODI સિરીઝ જીતી હતી.
