Vaibhav Suryavanshiએ સાઉથ આફ્રિકા સામે 63 બોલમાં ફટકારી સદી

વૈભવ સૂર્યવંશીએ વધુ એક વિસ્ફોટક ઈનિંગ રમી છે. ભારતની અંડર-19 ટીમના કેપ્ટન તરીકે વૈભવ સૂર્યવંશીએ સાઉથ આફ્રિકા સામે વિસ્ફોટક સદી ફટકારી. વર્લ્ડકપ પહેલા વૈભવની વનડેમાં સદી ભારતીય ટીમ માટે સારો સંકેત છે.

વૈભવ સૂર્યવંશીની ઈનિંગની ખાસિયત તેની અનોખી સ્ટાઈલ હતી, જેમાં તેને ચોગ્ગા અને છગ્ગા ફટકાર્યા હતા. યુવા વનડેમાં ભારત માટે આ તેની ત્રીજી સદી છે.

ભારત અને સાઉથ આફ્રિકાની યુવા ટીમો વચ્ચે ODI સિરીઝ રમાઈ રહી છે

ભારત અને સાઉથ આફ્રિકાની અંડર-19 ટીમો વચ્ચે હાલમાં ત્રણ મેચની વનડે સિરીઝ ચાલી રહી છે. ભારતીય ટીમે પહેલી 2 મેચ જીતીને સિરીઝ જીતી લીધી હતી. સિરીઝની બીજી મેચમાં વૈભવ સૂર્યવંશીએ ધમાકેદાર અડધી સદી ફટકારી હતી, પરંતુ તે પોતાની સદીથી દૂર રહ્યો હતો. આ વખતે જ્યારે તે મેદાન પર ઉતર્યો, ત્યારે તેને આ ખામીને પણ પૂરી કરી. વૈભવે આ મેચમાં 63 બોલમાં પોતાના 100 રન પૂરા કર્યા. તેને 7 ચોગ્ગા અને 8 છગ્ગા ફટકાર્યા. આ પછી પણ તેની ઈનિંગ ચાલુ રહી.

વૈભવ સૂર્યવંશીએ કેપ્ટન તરીકે પહેલી સદી ફટકારી

આ સિરીઝમાં વૈભવ સૂર્યવંશી પણ કેપ્ટનશીપ કરી રહ્યો છે. કેપ્ટન તરીકે ભારત માટે આ તેની પહેલી સદી છે. આ તેના કરિયરની 10મી સદી છે. આનાથી જ તેમની બેટિંગ કુશળતાનો ખ્યાલ આવે છે. વૈભવ ફક્ત 14 વર્ષનો છે અને તે ફક્ત ભારતમાં જ નહીં પરંતુ સમગ્ર દુનિયામાં એક નવો સ્ટાર બની ગયો છે. સારા સમાચાર એ છે કે અંડર-19 વર્લ્ડકપ આ મહિને સાઉથ આફ્રિકા અને ઝિમ્બાબ્વેમાં રમાશે. જો વૈભવ અહીંની પિચોનો આનંદ માણે છે, તો તે વર્લ્ડકપમાં પણ એક બળ બની શકે છે.

એરોન જ્યોર્જ સાથે 200+ પાર્ટનરશીપ

વૈભવ સૂર્યવંશીએ માત્ર 74 બોલમાં 127 રનની શક્તિશાળી ઈનિંગ રમી. આ ઈનિંગ દરમિયાન તેને 10 છગ્ગા અને 9 ચોગ્ગા ફટકાર્યા. તેને અને એરોન જ્યોર્જે પહેલી વિકેટ માટે 227 રનની પાર્ટનરશીપ કરી. વૈભવ આક્રમક હતો, તો જ્યોર્જે પણ શાનદાર બેટિંગ કરી, જેનાથી ટીમ ઈન્ડિયાને મજબૂત સ્કોર બનાવવામાં મદદ મળી.

વૈભવ સૂર્યવંશીએ અત્યાર સુધી ક્યાં સદી ફટકારી છે?

ભારત સિવાય વૈભવે યુએઈ, ઓસ્ટ્રેલિયા, ઈંગ્લેન્ડ, કતાર અને હવે સાઉથ આફ્રિકામાં પણ સદી ફટકારી છે. આ 14 વર્ષનો ભારતીય ખેલાડી હજુ કેટલા રન બનાવી શકે છે તે જોવાનું બાકી છે.

આ પણ વાંચો: IND U19 Vs SA U19: ત્રીજી વનડેમાં મેચ કેટલા વાગ્યે થશે શરૂ?