Delhi Capitals માટે નાની શેફાલીએ 16 વર્ષની ઉંમરે કર્યું ડેબ્યૂ, WPL ઈતિહાસમાં બનાવ્યો નવો રેકોર્ડ

વિમેન્સ પ્રીમિયર લીગ 20 જાન્યુઆરીના રોજ એક ખાસ ક્ષણની સાક્ષી બની, જ્યારે દિલ્હી કેપિટલ્સની બેટ્સમેન દિયા યાદવે ઈતિહાસ રચ્યો. હરિયાણાની આ યુવા ખેલાડીએ WPLમાં ડેબ્યૂ કર્યું અને તે અત્યાર સુધી રમનારી સૌથી નાની ઉંમરની ખેલાડી બની.

દિયા યાદવના નામે નોંધાયો એક અનોખો રેકોર્ડ

વડોદરામાં મુંબઈ ઈન્ડિયન્સ સામેની મેચ પહેલા દિયા યાદવને તેની પહેલી WPL કેપ આપવામાં આવી હતી. તેણે પ્લેઈંગ ઈલેવનમાં મિન્નુ મણિનું સ્થાન લીધું હતું. દિયાએ માત્ર 16 વર્ષ અને 103 દિવસની ઉંમરે આ સિદ્ધિ મેળવી હતી.

દિયા યાદવે આ સંદર્ભમાં મુંબઈ ઈન્ડિયન્સની જી કમલિનીનો રેકોર્ડ તોડ્યો હતો. જી કમલિનીએ જ્યારે ગયા સિઝનમાં 16 વર્ષ અને 213 દિવસની ઉંમરે WPLમાં ડેબ્યૂ કર્યું હતું ત્યારે તે તે સમયે સૌથી નાની ઉંમરની ખેલાડી બની હતી.

દિયા યાદવને ક્રિકેટ જગતમાં "લિટલ શેફાલી" તરીકે પણ ઓળખવામાં આવે છે, કારણ કે તેની રમવાની સ્ટાઈલ ભારતીય સ્ટાર બેટ્સમેન શેફાલી વર્મા જેવી જ માનવામાં આવે છે. આ યુવા પ્રતિભા દિલ્હી કેપિટલ્સ માટે ભવિષ્યમાં એક મોટી સંભાવના બની શકે છે.

WPLમાં ડેબ્યૂ કરનાર સૌથી યુવા ખેલાડી

દિયા યાદવ (દિલ્હી કેપિટલ્સ) – 16 વર્ષ 103 દિવસ

જી. કમલિની (મુંબઈ ઈન્ડિયન્સ) – 16 વર્ષ 213 દિવસ

શબનમ શકીલ (ગુજરાત જાયન્ટ્સ) – 16 વર્ષ 263 દિવસ

પાર્શ્વી ચોપરા (મુંબઈ ઈન્ડિયન્સ) – 16 વર્ષ 312 દિવસ

એલિસ કેપ્સી (દિલ્હી કેપિટલ્સ) – 18 વર્ષ 205 દિવસ

તમને જણાવી દઈએ કે WPL 2026 ની 13મી મેચમાં દિલ્હી કેપિટલ્સ અને મુંબઈ ઈન્ડિયન્સ એકબીજા સામે રમી રહ્યા છે. દિલ્હી કેપિટલ્સે આ મેચમાં પહેલા બોલિંગ કરવાનો નિર્ણય લીધો છે. દિલ્હી કેપિટલ્સ ટીમમાં ફક્ત એક જ ફેરફાર કરવામાં આવ્યો છે.

મિનુ મણિની જગ્યાએ દિયા યાદવને તક આપવામાં આવી છે. દિયા માત્ર 16 વર્ષની છે. મુંબઈ ઈન્ડિયન્સે ટીમમાં 4 ફેરફાર કર્યા છે. વૈષ્ણવી શર્મા આજે ડેબ્યૂ કરી રહી છે. જી કમલિનીની જગ્યાએ રાહિલા ફિરદોસને વિકેટકીપર-બેટ્સમેન તરીકે પ્લેઈંગ ઈલેવનમાં સામેલ કરવામાં આવી છે.

આ પણ વાંચો: Team Indiaની હાર માટે કોણ જવાબદાર? કેપ્ટન શુભમન ગિલે કર્યો મોટો ખુલાસો