WPL 2026માં ગુજરાત જાયન્ટ્સે દિલ્હી કેપિટલ્સ સામે રોમાંચક મેચમાં 4 રનથી જીત મેળવી. આ વર્તમાન ટુર્નામેન્ટમાં દિલ્હીની સતત હાર છે. પહેલા બેટિંગ કરતા ગુજરાતે 209 રન બનાવ્યા. ત્યારબાદ દિલ્હી કેપિટલ્સ ફક્ત 205 રન જ બનાવી શક્યું. અંતિમ ઓવરમાં જીત માટે ફક્ત 7 રનની જરૂર હતી, પરંતુ દિલ્હી ફક્ત 2 રન જ બનાવી શક્યું.
દિલ્હી કેપિટલ્સ માટે 2 બેટ્સમેનોએ અડધી સદી ફટકારી
દિલ્હી કેપિટલ્સ તરફથી લિઝેલ લી અને લૌરા વોલ્વાર્ડટે શાનદાર બેટિંગ કરી. લિઝેલએ 54 બોલમાં 12 ચોગ્ગા અને 3 છગ્ગા ફટકારીને 86 રન બનાવ્યા. લૌરાએ 77 રન બનાવ્યા. આ 2 ખેલાડીઓ સિવાય અન્ય કોઈ બેટ્સમેન સારું પ્રદર્શન કરી શક્યા નહીં. છેલ્લી ઓવરમાં દિલ્હી કેપિટલ્સે જીત માટે ફક્ત 7 રનની જરૂર હતી.
દિલ્હી કેપિટલ્સ છેલ્લી ઓવરમાં 7 રન બનાવવામાં નિષ્ફળ રહી
ગુજરાત જાયન્ટ્સ તરફથી સોફી ડિવાઈને અંતિમ ઓવર ફેંકી અને લૌરા વોલ્વાર્ડે પહેલા બોલ પર 1 સિંગલ લીધો. દિલ્હીની કેપ્ટન જેમીમા રોડ્રિગ્ઝ બીજા બોલ પર આઉટ થઈ ગઈ. મેરિઝાન કેપ ત્રીજા બોલ પર એક પણ રન બનાવવામાં નિષ્ફળ રહી. ત્યારબાદ તેને ચોથા બોલ પર 1 સિંગલ ફટકારી. ડિવાઈને પાંચમા બોલ પર સારી બેટિંગ કરી રહેલી લૌરાને આઉટ કરી. અંતિમ બોલ પર કોઈ રન બનાવી શક્યું નહીં. પરિણામે દિલ્હી ઓવરમાં ફક્ત 2 રન બનાવી શક્યું, જેના કારણે મેચ 4 રનથી હારી ગઈ.
સોફી ડિવાઈને 95 રનની ઈનિંગ રમી
પહેલા બેટિંગ કરતા ગુજરાત જાયન્ટ્સે 209 રનનો સ્કોર બનાવ્યો. ઓપનર બેથ મૂની મોટી ઈનિંગ રમી શકી નહીં, તેને 19 રન બનાવ્યા. પરંતુ સોફી ડિવાઈન અને એશ્લે ગાર્ડનરે ત્યારબાદ જોરદાર બેટિંગ કરી, આખા મેદાન પર સ્ટ્રોક ફટકાર્યા. સોફીએ 42 બોલમાં 7 ચોગ્ગા અને 8 છગ્ગા ફટકારીને 95 રન બનાવ્યા.
ત્યારબાદ ગાર્ડનરે 26 બોલમાં 49 રન બનાવ્યા, જેમાં 4 ચોગ્ગા અને 3 છગ્ગા ફટકાર્યા. નંદિની શર્માએ મેચમાં દિલ્હી કેપિટલ્સ માટે શાનદાર બોલિંગ કરી, જેમાં હેટ્રિક સહિત 5 વિકેટ લીધી. તેણે 20મી ઓવરમાં હેટ્રિક લીધી.
આ પણ વાંચો: WPL ઈતિહાસની સૌથી મોંઘી ઓવર, સ્ટાર ખેલાડીએ એક ઓવરમાં ફટકાર્યા 32 રન
