Yash Dayalને મળશે 10 વર્ષની જેલની સજા! પીડિત મહિલાએ આપ્યા આ પૂરાવા

રોયલ ચેલેન્જર્સ બેંગ્લુરુના સ્ટાર બોલર યશ દયાલ છેલ્લાં કેટલક સમયથી વિવાદોમાં ફસાયેલો છે. હાલમાં જ તેના પર ગાઝિયાબાદની એક મહિલાએ જાતીય સતામણીનો આરોપ લગાવ્યો હતો.

હાલમાં ભારતીય ન્યાય સંહિતાના સેક્શન 69 હેઠળ યશ દયાલ ઉપર FIR દાખલ થઈ છે. થોડા સમય પહેલા યશ દયાલ સામે ફરિયાદ નોંધવામાં આવી હતી.

યશ દયાલ સામે FIR નોંધાઈ

યશ દયાલ સામે ઈંદ્રાપુરમમાં FIR દાખલ થઈ છે, થોડા સમય પહેલા તેના સામે ફરિયાદ દાખલ થઈ ગઈ હતી, ત્યારબાદ તપાસ શરુ થઈ હતી. સેક્શન 69 હેઠળ જો કોઈ લગ્ન અથવા કામ આપવાનું ખોટું વચન શારીરિક સંબંધ બાંધવાનો પ્રયાસ કરે છે, તો તેને છેતરપિંડી અને જાતીય સતામણી ગણવામાં આવે છે. આ કારણે વ્યક્તિને 10 વર્ષ સુધી જેલની સજા થઈ શકે છે. ફરિયાદ મુજબ જે મહિલાએ આરોપ લગાવ્યો હતો, તેને જણાવ્યું હતું કે તે યશ દયાલ સાથે 5 વર્ષથી રિલેશનશિપમાં હતી.

મહિલાએ લગાવ્યા ગંભીર આરોપ

મહિલાએ તે પણ જણાવ્યું કે યશે તેના પરિવાર સાથે મુલાકાત પણ કરાવી હતી અને એવું વર્તન કરી રહ્યો હતો કે તેમના લગ્ન થઈ ગયા છે. દાખલ થયેલી ફરિયાદ મુજબ જ્યારે મહિલા યશ દયાલને તેના ભવિષ્ય વિશે સવાલ કર્યો તો તેને હિંસક વર્તન કર્યું અને તેને હેરાન કરી. તેને જણાવ્યું કે યશે તેની પાસેથી પૈસા લીધા હતા. મહિલાએ પોતાની વાત સામે રાખવા માટે ચેટ્સ, વીડિયો કોલ રેકોર્ડિંગ સહિત અન્ય અલગ અલગ પૂરવા આપ્યા છે.

યશ દયાલ અને તેના પરિવાર તરફથી સામે નથી આવી કોઈ પ્રતિક્રિયા

યશ દયાલ પર ઘણાં ગંભીર આરોપ લાગ્યા છે. તેના સિવાય અત્યાર સુધી આરસીબીના આ સ્ટાર બોલર અથવા પરિવારના કોઈ સભ્ય તરફથી કોઈ પ્રતિક્રિયા સામે આવી નથી. યશ દયાલે આ મામલે અત્યારે શાંત રહેવું યોગ્ય સમજ્યું છે. મહિલાએ કેટલાક સમય પહેલા તેના પર આરોપ લગાવ્યો હતો. આ સિવાય તે સોશિયલ મીડિયા પર એવું વર્તન કરી રહ્યો છે કે કંઈ થયું નથી. એવું લાગી રહ્યું છે કે આ મામલો ખૂબ લાંબો સમય ચાલશે. યશ દયાલને લઈને આરોપો સાચા સાબિત થાય છે, તો તેના ક્રિકેટીંગ કરિયર પર મોટું સંકટ આવી શકે છે.