- દિલ્હી કેપિટલ્સ અને સનરાઈઝર્સ હૈદરાબાદ વચ્ચે મેચ
- દિલ્હીના અરુણ જેટલી સ્ટેડિયમમાં રમાઈ રહી છે મેચ
- સનરાઈઝર્સ હૈદરાબાદે પાવરપ્લેમાં 125 રન બનાવ્યા
આઈપીએલ 2024ની 35મી મેચમાં દિલ્હી કેપિટલ્સનો મુકાબલો સનરાઈઝર્સ હૈદરાબાદ સામે થઈ રહ્યો છે. દિલ્હીના અરુણ જેટલી સ્ટેડિયમમાં રમાઈ રહેલી આ મેચમાં ટોસ હાર્યા બાદ પ્રથમ બેટિંગ કરવા આવેલા હૈદરાબાદને ઓપનર ટ્રેવિસ હેડ અને અભિષેક શર્માએ રનોનો વરસાદ કર્યો હતો. આ બંનેએ દિલ્હી કેપિટલ્સના બોલરોને આવતાની સાથે જ રિમાન્ડ પર લીધા અને પાવરપ્લેમાં એકપણ વિકેટ ગુમાવ્યા વિના 125 રન બનાવ્યા. આ સાથે SRH એ ઈતિહાસ રચ્યો હતો.
પાવરપ્લેમાં સૌથી વધુ રન બનાવ્યા
સનરાઈઝર્સ હૈદરાબાદ આઈપીએલમાં પાવરપ્લેમાં સૌથી વધુ રન બનાવનારી ટીમ બની ગઈ છે. આ પહેલા આ રેકોર્ડ કોલકાતા નાઈટ રાઈડર્સના નામે હતો. 2017માં, KKR એ RCB સામે પાવરપ્લેમાં 105 રન બનાવ્યા હતા. જ્યારે 2014માં ચેન્નાઈ સુપર કિંગ્સે પંજાબ કિંગ્સ સામે પાવરપ્લેમાં 2 વિકેટ ગુમાવીને 100 રન બનાવ્યા હતા.
IPLમાં સૌથી વધુ પાવરપ્લે સ્કોર
- 125/0: SRH vs DC, 2024*
- 105/0: KKR vs RCB, 2017
- 100/2: CSK vs PBKS, 2014
- 90/0: CSK vs MI, 2015
- 88/1: KKR vs DC, 2024*
હેડે 16 બોલમાં ફિફ્ટી ફટકારી
હૈદરાબાદના ઓપનર ટ્રેવિસ હેડે આવતાની સાથે જ બાઉન્ડ્રીનો વરસાદ કર્યો હતો. તેણે 16 બોલમાં ફિફ્ટી ફટકારી હતી. આ સાથે તે હૈદરાબાદ તરફથી સંયુક્ત રીતે સૌથી ઝડપી ફિફ્ટી ફટકારનાર બેટ્સમેન બની ગયો. તેણે 16 બોલમાં પોતાની ફિફ્ટી પૂરી કરી. આ સિઝનની શરૂઆતમાં અભિષેક શર્માએ મુંબઈ ઈન્ડિયન્સ સામે 16 બોલમાં ફિફ્ટી ફટકારી હતી.
SRH માટે સૌથી ઝડપી IPL ફિફ્ટી
- 16 બોલ: અભિષેક શર્મા વિ MI, હૈદરાબાદ, 2024
- 16 બોલ: ટ્રેવિસ હેડ વિ DC, દિલ્હી, આજે*
- 18 બોલ: ટ્રેવિસ હેડ વિ MI, હૈદરાબાદ, 2024
- 20 બોલ: ડેવિડ વોર્નર વિ CSK, હૈદરાબાદ, 2015
- 20 બોલ: ડેવિડ વોર્નર વિ KKR, હૈદરાબાદ, 2017
IPLમાં પ્રથમ 10 ઓવર પછીનો સર્વોચ્ચ સ્કોર
- 158/4: SRH vs DC, દિલ્હી, આજે*
- 148/2: SRH vs MI, હૈદરાબાદ, 2024
- 141/2: MI vs SRH, હૈદરાબાદ, 2024
- 135/1: KKR vs DC, વાયઝેગ, 2024
