- ઈંગ્લેન્ડ અને શ્રીલંકા વચ્ચે ત્રણ મેચની ટેસ્ટ સિરીઝની પ્રથમ મેચ
- ટીમનો નિયમિત કેપ્ટન બેન સ્ટોક્સ ઈજાના કારણે સિરીઝમાંથી બહાર
- ઇંગ્લેન્ડના ખેલાડીઓ હાથ પર કાળી પટ્ટી પહેરીને મેદાનમાં ઉતર્યા
ઈંગ્લેન્ડ અને શ્રીલંકા વચ્ચે ત્રણ મેચની ટેસ્ટ સિરીઝની પ્રથમ મેચ ઓલ્ડ ટ્રેફોર્ડ ખાતે રમાઈ રહી છે. ઓલી પોપ આ મેચમાં પ્રથમ વખત ઈંગ્લેન્ડની કમાન સંભાળી રહ્યા છે. ટીમનો નિયમિત કેપ્ટન બેન સ્ટોક્સ ઈજાના કારણે આ સિરીઝમાંથી બહાર છે. ધ હન્ડ્રેડ ટુર્નામેન્ટમાં રમતી વખતે તેને આ ઈજા થઈ હતી. ઈંગ્લેન્ડ સામેની આ મેચમાં ખેલાડીઓ હાથ પર બ્લેક બેન્ડ સાથે જોવા મળી રહ્યા છે. આવી સ્થિતિમાં, દરેકના મનમાં સવાલ ઉઠી રહ્યો છે કે શા માટે ઇંગ્લેન્ડના ખેલાડીઓ તેમના હાથ પર કાળી પટ્ટી પહેરીને જોવા મળે છે. તો ચાલો જાણીએ ઈંગ્લેન્ડના ખેલાડીઓએ આવું કેમ કર્યું.
જાણો શું છે કારણ!
ઈંગ્લેન્ડના મહાન બેટ્સમેન ગ્રેહામ થોર્પનું 4 ઓગસ્ટના રોજ અવસાન થયું. તેમના સન્માનમાં, ઈંગ્લેન્ડના ખેલાડીઓએ કાળી પટ્ટી પહેરી છે. તેણે 1993 થી 2005 વચ્ચે ઈંગ્લેન્ડ સામે 100 ODI અને 82 ટેસ્ટ મેચ રમી હતી. આ મેચની શરૂઆત પહેલા શ્રીલંકા અને ઈંગ્લેન્ડની ટીમોએ પણ તેમને શ્રદ્ધાંજલિ આપી હતી.
શારદાર છે કારકિર્દી
ગ્રેહામ થોર્પ ઈંગ્લેન્ડના મહાન બેટ્સમેનોમાંના એક છે. તેણે ટેસ્ટ ક્રિકેટમાં 44.66ની એવરેજથી 6,744 રન બનાવ્યા છે. આ દરમિયાન તેણે પોતાના બેટથી 16 સદી પણ ફટકારી હતી. આ સ્ટાઇલિશ ડાબોડી બેટ્સમેનના નામે વનડેમાં 37.18ની સરેરાશથી 2380 રન છે. તેણે વનડે ક્રિકેટમાં 21 અર્ધસદી બનાવી છે.
બેન સ્ટોક્સ ઈજાના કારણે બહાર
ઈંગ્લેન્ડનો નિયમિત કેપ્ટન બેન સ્ટોક્સ આ સીરીઝમાં રમી રહ્યો નથી. ધ હન્ડ્રેડ ટુર્નામેન્ટ દરમિયાન તેને ઈજા થઈ હતી. તેના સિવાય જેક ક્રાઉલી પણ આંગળીની ઈજાને કારણે આ સિરીઝમાંથી બહાર છે. આ બે ખેલાડીઓની જગ્યાએ ઈંગ્લેન્ડે મેથ્યુ પોટ્સ અને ડેનિયલ લોરેન્સનો સમાવેશ કર્યો છે. જ્યારે શ્રીલંકા વિશે વાત કરીએ તો મિલન પ્રિયનાથ રથનાયકે શ્રીલંકા માટે ડેબ્યૂ કરી રહ્યો છે.
શ્રીલંકાની પ્લેઈંગ ઈલેવન
દિમુથ કરુણારત્ને, નિશાન મદુષ્કા, કુસલ મેન્ડિસ, એન્જેલો મેથ્યુસ, દિનેશ ચંદીમલ (wk), ધનંજય ડી સિલ્વા (c), કામિન્દુ મેન્ડિસ, પ્રભાત જયસૂર્યા, અસિથા ફર્નાન્ડો, વિશ્વા ફર્નાન્ડો, મિલન પ્રિયનાથ રથનાયકે.
ઈંગ્લેન્ડની પ્લેઈંગ ઈલેવન
ડેનિયલ લોરેન્સ, બેન ડકેટ, ઓલી પોપ (c), જો રૂટ, હેરી બ્રુક, જેમી સ્મિથ (wk), ક્રિસ વોક્સ, ગુસ એટકિન્સન, મેથ્યુ પોટ્સ, માર્ક વુડ, શોએબ બશીર.
