ઇંગ્લેન્ડના દિગ્ગજે ભારત-પાકિસ્તાનની મેચ ફિક્સ હોવાનો લગાવ્યો આરોપ, ICCને આડેહાથ લીધું

• ભારત અને પાકિસ્તાન વચ્ચે વર્ષોથી રાયવલરી
  
• ICC ઈવેન્ટ્સમાં એક જ ગ્રુપમાં હોય છે બન્ને ટીમ
• ડેવિડ લોયડે ICCને લીધું આડેહાથ

ભારત અને પાકિસ્તાન વચ્ચે વર્ષોથી રાયવલરી ચાલી રહી છે. ICC ઈવેન્ટ્સમાં કાં તો બંને ટીમોને એક જ ગ્રુપમાં રાખવામાં આવે છે અથવા શિડ્યૂલ એવી રીતે તૈયાર કરવામાં આવે છે કે બંને કટ્ટર હરીફો ચોક્કસપણે સામસામે આવે. હવે ઈંગ્લેન્ડના પૂર્વ ક્રિકેટર ડેવિડ લોયડે આ મામલે ICC પર આરોપ લગાવ્યો છે. ક્રિકેટ ચાહકો વર્ષોથી ડેવિડ લોયડને કોમેન્ટ્રી પર સાંભળતા આવ્યા છે, પરંતુ હવે તેણે ઈન્ટરનેશનલ ક્રિકેટ એસોસિએશન (ICC) દ્વારા ભારત-પાક મેચોને અગાઉથી ફિક્સ કરવા પર સવાલ ઉઠાવ્યા છે.

હું મેચ ફિક્સની વિરૂદ્ધ

ડેવિડ લોયડે કહ્યું કે હું આ રીતે કોઈ પણ મેચ ફિક્સ થવાની વિરૂદ્ધ છું. અમે ક્રિકેટમાં ફિક્સિંગ પર લંબાણપૂર્વક ચર્ચા કરી શકીએ છીએ, ભારત-પાકની મેચો અગાઉથી નક્કી કરવામાં આવે છે. આ મેચ અમુક મોટી ઈવેન્ટ માટે જ ફિક્સ છે. આ મેચ પોતાનામાં એક મોટી ઘટના સમાન છે અને એટલા માટે જ ભારત-પાક મેચને ધ્યાનમાં રાખીને નક્કી કરવામાં આવી છે કે લોકો તેમને તમામ સ્થિતિમાં રમતા જોઈ શકે. આ વર્લ્ડકપમાં પણ તમે આ જ રીતે શિડ્યૂલને ઠીક કરવાનો પ્રયાસ કર્યો છે, જે ખોટું છે.

ભારતની મેચો ફિક્સ

ડેવિડ લોયડે એમ પણ કહ્યું કે T20 વર્લ્ડ કપ 2024 માટે ભારતનું શિડ્યૂલ પણ નક્કી કરવામાં આવ્યું છે. ભારતનો ઉલ્લેખ કરતાં તેમણે કહ્યું કે આ ટીમની તમામ ગ્રુપ મેચો એક જ જગ્યાએ રમાઈ હતી અને તમામ મેચો એવી રીતે ફિક્સ કરવામાં આવી હતી કે તે રાત્રે 8 વાગ્યે ભારતમાં ટેલિકાસ્ટ કરવામાં આવી હતી. ભારત સિવાય અન્ય ટીમોએ ઘણી વખત એક જગ્યાએથી બીજી જગ્યાએ જવું પડ્યું અને તેમનો સમય પણ બદલાતો રહ્યો.