FIFA WC: સેમીફાઇનલ લાઇનઅપ નક્કી…જાણો કઇ ટીમ કોની સામે ટકરાશે

• વિશ્વની 4 શ્રેષ્ઠ ટીમો ફિફા વર્લ્ડ કપની સેમી ફાઇનલમાં પહોંચી
  
• પ્રથમ સેમી ફાઇનલ આર્જેન્ટિના અને ક્રોએશિયા વચ્ચે રમાશે
• બીજી સેમી ફાઇનલમાં ડિફેન્ડિંગ ચેમ્પિયન ફ્રાન્સનો સામનો મોરોક્કો સાથે થશે

FIFA વર્લ્ડ કપ 2022ની સેમીફાઇનલમાં વિશ્વની 4 શ્રેષ્ઠ ટીમો પોતાનો શ્રેષ્ઠ પ્રયાસ કરતી જોવા મળશે. વર્તમાન ચેમ્પિયન ફ્રાન્સ, મોરોક્કો, આર્જેન્ટિના અને ક્રોએશિયાની ટીમોએ સેમીફાઈનલમાં પોતાનું સ્થાન નિશ્ચિત કરી લીધું છે.

ટોચની 4 ટીમો સેમી ફાઇનલમાં

ફિફા વર્લ્ડ કપની સેમીફાઇનલ લાઇન અપ નક્કી થઈ ગઈ છે. વિશ્વની ટોચની 4 ટીમો સેમી ફાઇનલમાં પહોંચવા માટે સખત પ્રયાસ કરતી જોવા મળશે. ડિફેન્ડિંગ ચેમ્પિયન ફ્રાન્સની ટીમ અંતિમ ચારમાં પહોંચનારી છેલ્લી ટીમ હતી. પ્રથમ સેમી ફાઈનલ 14 ડિસેમ્બરથી રમાશે. ક્રોએશિયાની ટીમે સૌથી પહેલા અંતિમ-4ની ટિકિટ મેળવવામાં સફળ રહી હતી. આ ટીમે ખિતાબના પ્રબળ દાવેદાર બ્રાઝિલને હરાવીને ઘણી પ્રશંસા મેળવી હતી.

મેસ્સીની કેપ્ટન્સીમાં આર્જેન્ટિના ફેવરીટ

બીજી તરફ સ્ટાર ફૂટબોલર લિયોનેલ મેસ્સીની કેપ્ટન્સીમાં આર્જેન્ટિનાએ નેધરલેન્ડને હરાવીને સેમિફાઇનલની ટિકિટ બુક કરી હતી, જ્યારે મોરોક્કોએ ક્રિસ્ટિયાનો રોનાલ્ડો અને પોર્ટુગલનું પ્રથમ વખત અંતિમ 4માં પ્રવેશવાનું સપનું ચકનાચૂર કર્યું હતું.