FIFA વર્લ્ડ કપ FINAL: 8:30થી આર્જેન્ટિના-ફ્રાન્સ વચ્ચે મહામુકાબલો

• FIFA વર્લ્ડ કપ 2022માં આજે અંતિમ મુકાબલો
  
• ડીફેન્ડીંગ ચેમ્પિયન ફ્રાન્સ અને આર્જેન્ટિના વચ્ચે થશે ટક્કર
• લિયોનેલ મેસ્સી અને કીલિયન એમબાપ્પે વચ્ચે ગોલ કરવાની રેસ

FIFA વર્લ્ડ કપની ફાઇનલ મેચમાં હવે ગણતરીના કલાકો જ બાકી છે. આર્જેન્ટિના અને ફ્રાન્સની ટીમો એકબીજા સાથે સ્પર્ધા કરવા માટે સંપૂર્ણ રીતે તૈયાર છે. એક તરફ લિયોનેલ મેસ્સીની આર્જેન્ટિનાની ટીમ છે તો બીજી તરફ કીલિયન એમબાપ્પેની ફ્રાન્સની ટીમ છે. આજની મેચમાં જીતનાર ટીમ વિશ્વકપની ટ્રોફી પર કબજો કરશે.

8:30થી આર્જેન્ટિના-ફ્રાન્સ વચ્ચે મુકાબલો

કતારના હુસૈન સ્ટેડિયમમાં ભારતીય સમય પ્રમાણે રાત્રે 8:30થી આર્જેન્ટિના અને ફ્રાન્સ વચ્ચે મુકાબલો શરૂ થશે. આર્જેન્ટિના 36 વર્ષ બાદ ટાઈટલ જીતવા માટે જોઈ રહી છે. બીજી તરફ ફ્રાન્સ સતત બીજી વખત ટ્રોફી જીતવામાં કોઈ કસર છોડશે નહીં. બંને ટીમોમાં એવા દિગ્ગજ ખેલાડીઓ છે જેમની સામે ઘણી મોટી ટીમોએ દમ તોડી દીધો છે. ફાઈનલ મેચ કતારના હુસૈન સ્ટેડિયમમાં રમાશે.

બંને ટીમો બે વાર ચેમ્પિયન બની

બંને ટીમો અત્યાર સુધીમાં બે વખત ટાઈટલ જીતી ચૂકી છે. ફ્રાન્સે 1998 અને 2018માં વર્લ્ડ કપની ટ્રોફી પોતાના નામે કરી હતી. જ્યારે આર્જેન્ટિનાએ 1978 અને 1986માં ટ્રોફી જીતી હતી. 36 વર્ષ પછી લિયોનેલ મેસ્સી તેની ટીમ માટે ટ્રોફી જીત્યા બાદ ટુર્નામેન્ટને વિદાય આપવા માંગશે. આ પહેલા મેસ્સી 2014માં વર્લ્ડ કપની ફાઈનલ રમ્યો હતો. તે દરમિયાન ટીમને જર્મની સામે હારનો સામનો કરવો પડ્યો હતો.

મેસ્સી-એમબાપ્પે વચ્ચે ટક્કર

2018 વર્લ્ડ કપ દરમિયાન, મેસ્સી ફ્રાન્સ સામે એક પણ ગોલ કરવામાં સફળ રહ્યો ન હતો. પરંતુ આ મેચમાં તે 4 વર્ષ પહેલાના ઘાને રૂઝાવવાની આશા સાથે મેદાનમાં ઉતરશે. પરંતુ તેનો મુકાબલો ફ્રાન્સના દિગ્ગજ ખેલાડી કીલિયન એમબાપ્પે સામે થશે, જેણે મેસ્સીની જેમ આ ટુર્નામેન્ટમાં પાંચ ગોલ કર્યા છે. હુસૈન સ્ટેડિયમમાં બંને ખેલાડીઓ વચ્ચે જોરદાર મુકાબલો જોવા મળી શકે છે.