- વર્લ્ડ કપ 2023ની સેમિફાઈનલમાં ભારતની શાનદાર જીત
- ભારતે ન્યૂઝીલેન્ડને 70 રને હરાવી ફાઈનલમાં કરી એન્ટ્રી
- સેમીફાઈનલમાં ન્યૂઝીલેન્ડ સામે શમીનું શાનદાર પ્રદર્શન
ફાસ્ટ બોલર મોહમ્મદ શમીએ મુંબઈમાં રમાયેલી વર્લ્ડ કપ સેમીફાઈનલમાં ન્યૂઝીલેન્ડ માટે 7 વિકેટ લઈને ધૂમ મચાવી દીધી હતી. શમી વનડે ક્રિકેટમાં ચોથી વખત 5 વિકેટ લેનારા બોલર બની ગયા છે. આ સિવાય તે વર્લ્ડ કપમાં 50 વિકેટ લેનારો પ્રથમ ભારતીય બોલર બની ગયા છે.
મોહમ્મદ શમી પર લખાશે પુસ્તક
શમી...શમી...શમી...સેમી ફાઈનલ મેચ બાદ બધે એક જ નામ ગુંજી રહ્યું છે. ઉત્તર પ્રદેશના અમરોહાના મોહમ્મદ શમીની સફળતાએ બધાને ચોંકાવી દીધા છે. પરંતુ શમીએ આ સ્થાન હાંસલ કરવા માટે કેવા સંઘર્ષો કર્યા છે, તે આપણે ટૂંક સમયમાં વિગતવાર વાંચીશું. ઉત્તરાખંડના ખાનપુરથી અપક્ષ ધારાસભ્ય ઉમેશ કુમાર હવે મોહમ્મદ શમીની સફરને શબ્દોમાં વર્ણવશે. પુસ્તકનું નામ હશે- '30 ડેઝ વિથ શમી'
ધારાસભ્ય ઉમેશ કુમારે આ અંગે માહિતી આપી હતી "શમીના જીવનનો ખરાબ સમયના એક મહિના પર તેમણે પુસ્તક લખવાનું શરું કરી દીધું છે. તે એક મહિનામાં જ્યારે આ છોકરાએ પાકિસ્તાન સાથે ફિક્સિંગનો આરોપ લગાવ્યા બાદ બે વાર આત્મહત્યા કરવાનો પ્રયાસ કર્યો હતો, તે એક મહિનો જ્યારે આ છોકરો દરરોજ પીડાતો હતો, તે એક મહિનો જ્યારે તે મારા ઘરના 19મા માળથી કૂદીને જીવ આપવાનો પ્રયાસ કરતો હતો. પુસ્તકનું નામ છે- 30 ડેઝ વિથ શમી."
'આ એ જ છોકરો છે જે આત્મહત્યા કરવા માંગતો હતો...'
આટલું જ નહીં વર્લ્ડ કપમાં ધૂમ મચાવનાર ફાસ્ટ બોલર મોહમ્મદ શમી સાથેનો ફોટો શેર કર્યા બાદ ધારાસભ્યએ લખ્યું કે, આ એ જ છોકરો છે જેની સામે તેની પત્નીએ રેપ અને દહેજનો કેસ નોંધાવ્યો હતો. આ એ જ છોકરો છે જેના પર તેની પત્નીએ પાકિસ્તાન સાથે મેચ ફિક્સિંગ માટે પૈસા લેવાનો આરોપ લગાવીને તપાસ શરૂ કરી હતી. આ એ જ છોકરો છે જે આત્મહત્યા કરવા માંગતો હતો. આ એ જ છોકરો છે જેની માતા, બહેન અને ભાઈને જેલમાં મોકલવાનું કાવતરું ઘડવામાં આવ્યું હતું. આ એ જ છોકરો છે જેણે વિશ્વ કપ શરૂ થયાના બે દિવસ પહેલા ખોટા આરોપોને કારણે કોલકાતાની કોર્ટમાં ગુનેગારની જેમ આંખોમાં આંસુ સાથે જામીન માટે ઉભા રહેવું પડ્યું હતું. મારા મિત્ર મોહમ્મદ શમીની વાર્તા હજુ બાકી છે. તારા માટે શેર છે… મેં આધીઓ કી તલાશ-અ-સબા મેં હું, તુમ મુઝે પૂછતે હોં મેરા હોંસલા ક્યા હૈં...
ન્યૂઝીલેન્ડ તરફથી શમીએ 7 વિકેટ ઝડપી હતી
મુંબઈના વાનખેડે સ્ટેડિયમમાં બુધવારે રમાયેલી વર્લ્ડ કપની સેમીફાઈનલ મેચમાં ભારતે ટોસ જીતીને પ્રથમ બેટિંગ કરવાનો નિર્ણય કર્યો હતો. ટીમે ન્યૂઝીલેન્ડને 397 રનનો મોટો ટાર્ગેટ આપ્યો હતો. કેપ્ટન રોહિત શર્માએ 29 બોલમાં 47 રન બનાવ્યા હતા. શુભમન ગિલે 80 રન, વિરાટ કોહલીએ 117 રન અને શ્રેયસે 105 રનની શાનદાર ઇનિંગ્સ રમી હતી. કેએલ રાહુલે પણ છેલ્લી ઓવરોમાં 20 બોલમાં 39 રનનું યોગદાન આપ્યું હતું. બીજા દાવમાં મોહમ્મદ શમીએ શાનદાર બોલિંગ કરી અને 57 રનમાં 7 વિકેટ ઝડપી હતી અને ચારેબાજુ ધમાલ મચાવી દીધી હતી.
