Gautam Gambhirનો 43મો Birthday, ભારતને વર્લ્ડ કપની સિદ્ધિ, ભારત ટીમના હેડકોચ,જાણો કારકિર્દી

ટીમ ઈન્ડિયાના હેડકોચ ગૌતમ ગંભીર આજે પોતાનો 43મો જન્મદિવસ ઉજવી રહ્યા છે. ગૌતમ ગંભીર એક એવો ખેલાડી છે જેણે ભારતીય ક્રિકેટમાં મહત્વનું યોગદાન આપ્યું છે. ગૌતમ ગંભીર હાલમાં જ ટીમ ઈન્ડિયાનો મુખ્ય કોચ બન્યો છે અને તે 2027ના ODI વર્લ્ડ કપ સુધી આ પદ પર રહેશે આવી સ્થિતિમાં તેની જવાબદારી ટીમ ઈન્ડિયાને વધુ ઉંચાઈ પર લઈ જવાની રહેશે. ગૌતમ ગંભીરની આંતરરાષ્ટ્રીય કારકિર્દી શાનદાર રહી છે, તેણે ભારતને બે વર્લ્ડ કપ જીતવામાં મદદ કરી હતી.

ભારતને બે વર્લ્ડ કપ જીતવામાં મહત્વની ભૂમિકા

જ્યારે ભારતે 2007નો T20 વર્લ્ડ કપ જીત્યો ત્યારે ગૌતમ ગંભીરે પાકિસ્તાન સામે ઓપનિંગ કરતી વખતે 54 બોલમાં 8 ચોગ્ગા અને બે છગ્ગાની મદદથી 75 રનની ઇનિંગ રમી હતી. ગૌતમ ગંભીરે 2011 ODI વર્લ્ડ કપ ફાઇનલમાં શ્રીલંકા સામે પણ શાનદાર પ્રદર્શન કર્યું હતું. તેણે 122 બોલમાં 9 ચોગ્ગાની મદદથી 97 રનની ઇનિંગ રમી હતી અને ભારત માટે 58 ટેસ્ટ મેચોની 104 ઇનિંગ્સમાં 4154 રન બનાવ્યા હતા.

આ દરમિયાન તેણે 9 સદી અને 22 અડધી સદી ફટકારી હતી. ટેસ્ટમાં તેની એવરેજ 41.96 અને સ્ટ્રાઈક રેટ 51.49 હતો. તેણે 147 ODI મેચોની 143 ઈનિંગ્સમાં 39.68ની એવરેજ અને 85.25ના સ્ટ્રાઈક રેટથી 37 T20 ઈન્ટરનેશનલ મેચોમાં 932 રન બનાવ્યા હતા.

ગૌતમ ગંભીરે નિવૃત્તિ પછી કોચિંગમાં પોતાનો હાથ અજમાવ્યો 

ગૌતમ ગંભીરે નિવૃત્તિ પછી કોચિંગમાં પોતાનો હાથ અજમાવ્યો હતો જ્યારે તેણે IPLમાં મેન્ટર તરીકે KKRને બે ટ્રોફી જીતી હતી. જ્યારે ગંભીર એક મેન્ટર તરીકે IPLમાં સફળ રહ્યો હતો, ત્યારે તેને ટીમ ઈન્ડિયાના મુખ્ય કોચ બનવાની તક મળી હતી અને હવે તેની નજર કોચ તરીકે ભારત માટે મોટી ટ્રોફી મેળવવા પર છે.