હાર્દિકે પંડ્યાએ રચ્યો ઈતિહાસ, પાકિસ્તાન સામે આ કારનામું કરનારો પ્રથમ ભારતીય

• ભારત સામે પાકિસ્તાનનો 6 રનથી કારમો પરાજય
  
• આ મેચમાં હાર્દિક પંડ્યાએ શાનદાર બોલિંગ કરી હતી
• પાકિસ્તાન સામે હાર્દિકે T20માં સૌથી વધુ વિકેટ લીધી

રોમાંચક મેચમાં ભારતીય ટીમે પાકિસ્તાનને 6 રનથી હરાવ્યું હતું. પ્રથમ બેટિંગ કરતા ભારતીય ટીમે પાકિસ્તાની ટીમને 120 રનનો ટાર્ગેટ આપ્યો હતો. આ પછી પાકિસ્તાની ટીમ 20 ઓવરમાં માત્ર 113 રન જ બનાવી શકી હતી. આ મેચમાં હાર્દિક પંડ્યાએ શાનદાર બોલિંગ કરી હતી. તેણે મેચમાં બે વિકેટ લઈને મોટો રેકોર્ડ બનાવ્યો છે.

હાર્દિક પંડ્યાએ બનાવ્યો ખાસ રેકોર્ડ

ભારતીય ટીમના સ્ટાર ઓલરાઉન્ડર હાર્દિક પંડ્યાએ પાકિસ્તાન સામેની મેચમાં 4 ઓવર નાખી અને 24 રન આપ્યા અને 2 વિકેટ લીધી. આ સાથે તે T20 ઈન્ટરનેશનલમાં પાકિસ્તાન સામે સૌથી વધુ વિકેટ લેનારો ભારતીય બોલર બની ગયો છે. તે તમામ ભારતીય ખેલાડીઓને પાછળ છોડીને નંબર વન પર પહોંચી ગયો છે. અત્યાર સુધીમાં તેણે પાકિસ્તાન વિરૂદ્ધ T20 ઈન્ટરનેશનલમાં કુલ 13 વિકેટ ઝડપી છે. બીજા નંબર પર ભુવનેશ્વર કુમાર છે. તેના નામે 11 વિકેટ છે. ભારતીય ટીમનો યુવા બોલર અર્શદીપ સિંહ ત્રીજા નંબર પર છે. તેણે પાકિસ્તાનની ટીમ સામે T20 ઈન્ટરનેશનલમાં 7 વિકેટ લીધી છે.

પાકિસ્તાન સામે T20 ઈન્ટરનેશનલમાં સૌથી વધુ વિકેટ લેનાર ભારતીય બોલરો

• હાર્દિક પંડ્યા- 13 વિકેટ
• ભુવનેશ્વર કુમાર- 11 વિકેટ
• અર્શદીપ સિંહ- 7 વિકેટ
• ઈરફાન પઠાણ- 6 વિકેટ
• જસપ્રીત બુમરાહ- 5 વિકેટ

પંતે 42 રનની ઇનિંગ રમી હતી

T20 વર્લ્ડકપ 2024માં ભારત અને પાકિસ્તાન વચ્ચે લો સ્કોરિંગ મેચ રમાઈ હતી. આ મેચમાં ભારતીય ટીમની શરૂઆત ખૂબ જ ખરાબ રહી હતી. જ્યારે કેપ્ટન રોહિત શર્મા અને વિરાટ કોહલી મોટી ઇનિંગ્સ રમી શક્યા ન હતા. રિષભ પંતના 42 રનની મદદથી ટીમ ઈન્ડિયા 119 રન સુધી પહોંચવામાં સફળ રહી હતી. પરંતુ પંત ​​સિવાય કોઈ બેટ્સમેન સારું પ્રદર્શન કરી શક્યો ન હતો. આ કારણે ટીમ ઈન્ડિયા પૂરી 20 ઓવર પણ રમી શકી ન હતી. એવું લાગી રહ્યું હતું કે પાકિસ્તાની ટીમ આસાનીથી મેચ જીતી જશે. પરંતુ ભારતીય બોલરોએ આવું ન થવા દીધું.