- સરકારની મેચ દરમિયાન તમાકુની જાહેરાતો પર પ્રતિબંધ મૂકવાની યોજના
- કેન્દ્રીય સ્વાસ્થ્ય મંત્રાલય આ જાહેરાતો અંગે BCCI સાથે કરી શકે વાત
- વર્ષ 2023માં 41 ટકા તમાકુની જાહેરાતો ODI વર્લ્ડકપમાં બતાવવામાં આવી
કેન્દ્રીય સ્વાસ્થ્ય મંત્રાલય મેચ દરમિયાન ક્રિકેટ સ્ટેડિયમમાં બતાવવામાં આવતી કેટલીક જાહેરાતો પર રોક લગાવવાની વિચારણા કરી રહ્યું છે. ઘણીવાર એવું જોવામાં આવ્યું છે કે ક્રિકેટ સ્ટેડિયમમાં તમાકુની ઘણી જાહેરાતોનો પ્રચાર કરવામાં આવે છે. પરંતુ હવે કેન્દ્રીય સ્વાસ્થ્ય મંત્રાલય ક્રિકેટ સ્ટેડિયમમાં તમાકુની જાહેરાતો પર પ્રતિબંધ મૂકવાની યોજના બનાવી રહ્યું છે. કેન્દ્રીય સ્વાસ્થ્ય મંત્રાલય ટૂંક સમયમાં આ અંગે ભારતીય ક્રિકેટ કંટ્રોલ બોર્ડ (BCCI) સાથે વાત કરવા જઈ રહ્યું છે.
ICMR અને વાઈટલ સ્ટ્રેટેજીના રિપોર્ટમાં ખુલાસો
મીડિયા રિપોર્ટ્સ અનુસાર, ICMR અને વાઇટલ સ્ટ્રેટેજીએ કહ્યું કે વર્ષ 2023માં 41 ટકા ધુમ્રપાન અને તમાકુની જાહેરાતો માત્ર ODI વર્લ્ડકપની છેલ્લી 17 મેચો દરમિયાન જ બતાવવામાં આવી હતી. અહેવાલો અનુસાર, હવે કેન્દ્રીય સ્વાસ્થ્ય મંત્રાલય ભારતીય ક્રિકેટ કંટ્રોલ બોર્ડ (BCCI)ને સ્ટેડિયમમાં તમાકુની જાહેરાતો બતાવવા પર પ્રતિબંધ મૂકવા માટે કહી શકે છે. આ સિવાય એલચીના નામે તમાકુનો પ્રચાર કરનારા કલાકારો પર પણ પ્રતિબંધ લાગી શકે છે.
આવી જાહેરાતો યુવાનોને આકર્ષે છે
એક અધિકારીએ કહ્યું કે ભારતના યુવાનો ઘણી બધી ક્રિકેટ મેચ જુએ છે, જ્યારે મેચ દરમિયાન ઘણી હસ્તીઓની તમાકુની જાહેરાતો બતાવવામાં આવે છે. જે યુવાનોને ઘણી હદે આકર્ષે છે. હવે કેન્દ્રીય સ્વાસ્થ્ય મંત્રાલયના અધિકારીઓ આ અંગે સતત BCCIના સંપર્કમાં છે. આ અંગે ટૂંક સમયમાં મોટો નિર્ણય લેવામાં આવી શકે છે. આંતરરાષ્ટ્રીય ક્રિકેટ ઉપરાંત, IPL મેચો દરમિયાન તમાકુની જાહેરાતો પણ બતાવવામાં આવે છે.
