- સૂર્યકુમાર વિના મુંબઈ ઈન્ડિયન્સની સંભવિત પ્લેઈંગ ઈલેવન
- ઈન્ડિયન પ્રીમિયર લીગની 17મી સિઝનનું બ્યુગલ વાગી ગયું છે
- 360 ડિગ્રી તરીકે પ્રખ્યાત સૂર્યકુમાર ગુજરાત ટાઇટન્સ સામે નહી રમે મેચ
IPL 2024ની પ્રથમ મેચ શુક્રવાર, 22 માર્ચથી રમાશે. જો કે આ પહેલા મુંબઈ ઈન્ડિયન્સ માટે એક ખરાબ સમાચાર સામે આવ્યા છે. અહેવાલ મુજબ, શ્રી 360 ડિગ્રી તરીકે પ્રખ્યાત સૂર્યકુમાર યાદવ 24 માર્ચે ગુજરાત ટાઇટન્સ સામેની મેચ માટે ઉપલબ્ધ રહેશે નહીં. આવી સ્થિતિમાં, જાણો મુંબઈની પ્લેઈંગ ઈલેવન સૂર્યા વિના કેવી રહી શકે છે.
કેપ્ટન હાર્દિક ચોથા નંબર પર રમી શકે છે
જો સૂર્યકુમાર યાદવ પ્રથમ મેચમાં નહીં રમે તો કેપ્ટન હાર્દિક પંડયા ચોથા નંબર પર બેટિંગ કરી શકે છે. હાર્દિક છેલ્લા બે સિઝનમાં ગુજરાત ટાઇટન્સ માટે ચોથા નંબર પર બેટિંગ કરતો હતો. હાર્દિક ગુજરાતની બેટિંગની મુખ્ય કડી હતો. જો સૂર્યા ઉપલબ્ધ ન હોય તો મુંબઈ માટે પણ પંડયા આ જ રોલમાં જોવા મળી શકે છે.
નેહલ વાઢેરાને અંતિમ ઈલેવનમાં
જો તમામ સમીકરણો પર નજર કરીએ તો જો સૂર્યકુમાર યાદવ નહીં રમે તો નેહલ વાઢેરા અને વિષ્ણુ વિનોદમાંથી કોઈ એકને અંતિમ ઈલેવનમાં સામેલ કરી શકાય છે. જો કે, વાઢેરાની અપેક્ષાઓ વધુ છે, કારણ કે નીચલા ક્રમમાં વિસ્ફોટક બેટિંગની સાથે તે જરૂર પડયે બોલિંગ પણ કરી શકે છે.
પ્લેઈંગ ઈલેવન
જો પ્લેઇંગ ઇલેવનની વાત કરીએ તો રોહિત શર્મા અને વિકેટકીપર બેટસમેન ઇશાન કિશન ઇનિંગની શરૂઆત કરી શકે છે. ત્રીજા નંબર પર તિલક વર્માનું રમવાનું નિશ્ચિત છે. આવી સ્થિતિમાં ટોપ ઓર્ડરમાં કોઈ ફેરફારની અપેક્ષા નથી. જોકે, કેપ્ટન હાર્દિક પંડયા ચોથા નંબર પર રમી શકે છે. આ પછી નેહલ વાઢેરા પાંચમા નંબર પર અને અફઘાન સુપરસ્ટાર મોહમ્મદ નબી છઠ્ઠા નંબર પર રમી શકે છે.પ્લેઈંગ ઈલેવનમાં નબીની હાજરી બેટિંગને ઊંડાણ પ્રદાન કરશે. સાથે જ સ્પિન બોલિંગ પણ વધુ મજબૂત બનશે. ત્યારબાદ ટિમ ડેવિડ એક્શનમાં જોવા મળી શકે છે. ડેવિડ અને નબી મેચ ફિનિશરની ભૂમિકા ભજવી શકે છે. જ્યારે અનુભવી પીયૂષ ચાવલા મુખ્ય સ્પિનર બની શકે છે. ફાસ્ટ બોલિંગની વાત કરીએ તો નુવાન તુશારા, જેને મલિંગાનો ક્લોન કહેવામાં આવે છે, તે જસપ્રિત બુમરાહ અને આકાશ માધવાલ સાથે એક્શનમાં જોવા મળી શકે છે.
મુંબઈ ઈન્ડિયન્સની સંભવિત પ્લેઈંગ ઈલેવન
ઈશાન કિશન (વિકેટકીપર), રોહિત શર્મા, તિલક વર્મા, હાર્દિક પંડ્યા (કેપ્ટન), નેહલ વાઢેરા, ટિમ ડેવિડ, મોહમ્મદ નબી, પીયૂષ ચાવલા, આકાશ માધવાલ, નુવાન તુશારા અને જસપ્રિત બુમરાહ
