Mohammed Shami પત્નીને કેટલું આપે છે ભરણપોષણ? આંકડો જાણીને ચોંકી જશો!

આ દિવસોમાં મોહમ્મદ શમી ટીમ ઈન્ડિયામાં વાપસીના સમાચારને લઈને ચર્ચામાં છે. લગભગ 6 વર્ષ પહેલા તેમનું અંગત જીવન બરબાદ થઈ ગયું હતું. વર્ષ 2014માં શમીએ હસીન જહાં નામની મહિલા સાથે લગ્ન કર્યા, જે વ્યવસાયે મોડલ છે. પરંતુ વર્ષ 2018માં હસીન જહાંએ શમી અને તેના પરિવાર વિરૂદ્ધ FIR નોંધાવી હતી. તેના પર ઘરેલું ઉત્પીડન અને ખરાબ વર્તનનો આરોપ હતો.

શમી પર લગાવ્યા હતા ગંભીર આરોપ

શમી પર પણ મેચ ફિક્સિંગનો આરોપ લાગ્યો હતો, પરંતુ થોડા સમય પછી BCCIની એન્ટી કરપ્શન યુનિટે તેને ફિક્સિંગ કેસમાં ક્લીનચીટ આપી દીધી હતી. પરંતુ ઘરેલુ શોષણનો મામલો લાંબા સમય સુધી ચાલતો રહ્યો, આ દરમિયાન પશ્ચિમ બંગાળ સ્થિત અલીપોર કોર્ટે સપ્ટેમ્બર 2019માં ભારતીય ક્રિકેટર વિરૂદ્ધ ધરપકડ વોરંટ પણ જારી કર્યું હતું. થોડા દિવસો બાદ શમીની જામીન અરજી મંજૂર કરવામાં આવી હતી.

શમી પત્નીને આટલું ચૂકવે છે ભરણપોષણ

વર્ષ 2023માં કોલકાતાની એક કોર્ટે મોહમ્મદ શમી અને તેની પત્ની હસીન જહાંના કેસમાં મોટો ચુકાદો આપ્યો હતો. આ અંતર્ગત શમી હસીન જહાંને દર મહિને 1,30,000 રૂપિયા એલિમની આપશે. તેમાંથી 50 હજાર રૂપિયા શમીની પત્ની હસીન જહાંને અંગત ખર્ચ માટે આપવામાં આવશે અને બાકીના 80 હજાર રૂપિયા તેમની દીકરીના ઉછેર માટે વાપરવામાં આવશે. તેમની પુત્રીનો જન્મ 2015માં થયો હતો, જેનું નામ આયરા છે.

હસીન જહાંએ 2018માં કર્યો હતો કેસ

વર્ષ 2018માં જ્યારે હસીન જહાંએ મોહમ્મદ શમી વિરૂદ્ધ કેસ દાખલ કર્યો હતો ત્યારે તેણે 10 લાખ રૂપિયાની માસિક એલિમોની માંગી હતી. તેના વકીલે દલીલ કરી હતી કે શમીએ 2021-2021 નાણાકીય વર્ષમાં 7 કરોડ રૂપિયાથી વધુની કમાણી કરી હતી. આવી સ્થિતિમાં એવી દલીલ કરવામાં આવી હતી કે 10 લાખનું ભરણપોષણ ખોટું નથી. તમને જણાવી દઈએ કે શમી હાલમાં BCCI કોન્ટ્રાક્ટ લિસ્ટના ગ્રેડ Aમાં સામેલ છે, જે અંતર્ગત તેને વાર્ષિક 5 કરોડ રૂપિયાનો પગાર મળે છે.