કેવી રીતે બનાવવામાં આવે છે અમ્પાયર, કેટલી મળે છે સેલેરી? જાણો

ભારતમાં ક્રિકેટની રમત ખૂબ જ પસંદ કરવામાં આવે છે. ઘણા યુવાનો ક્રિકેટર બનવાના સપનાને જોવે છે. ફેન્સ ક્રિકેટમાં પૈસા અને ગ્લેમર જોઈને આકર્ષાય છે. ભારતીય ટીમ માટે રમવા બદલ ખેલાડીઓને સારો પગાર પણ મળે છે. તેમજ આઈપીએલ જેવી લીગમાં ખેલાડીઓ પર પાણીની જેમ પૈસાનો વરસાદ કરવામાં આવે છે.

પરંતુ ક્રિકેટના મેદાન પર માત્ર ખેલાડીઓની જ નહીં પરંતુ અમ્પાયરનો રોલ પણ ખૂબ મહત્વનો હોય છે. આ સવાલ ક્રિકેટ ફેન્સના મનમાં વારંવાર ઉઠે છે કે આ અમ્પાયરો કેવી રીતે બને છે અને તેમને મેચમાં કેટલા પૈસા મળે છે.

માત્ર ક્રિકેટરો જ અમ્પાયર બની શકે?

ના, ખેલાડી બનવું એ અમ્પાયર બનવાની શરત નથી. તમારે ક્રિકેટના નિયમો અને ક્રિકેટનું જ્ઞાન જાણવું જ જોઈએ. આ સિવાય ફિટનેસ પણ ખૂબ જ જરૂરી છે કારણ કે અમ્પાયરે આખી મેચ દરમિયાન ઊભા રહેવું પડે છે. સાથે જ આંખોની રોશની પણ સારી હોવી જોઈએ.

અમ્પાયર કેવી રીતે બનવું?

અમ્પાયર બનવા માટે, વ્યક્તિએ પહેલા રાજ્ય ક્રિકેટ એસોસિએશનમાં પોતાનું રજિસ્ટ્રેશન કરાવવું પડશે. આ રજિસ્ટ્રેશન સ્થાનિક મેચોમાં અમ્પાયરિંગના અનુભવના આધારે કરવામાં આવે છે. નેશનલ લેવલ પર રજિસ્ટ્રેશન કરાવ્યા પછી, વ્યક્તિને રાજ્ય સ્તરની મેચોમાં અમ્પાયરિંગ કરવાની તક મળે છે. આ પછી, અનુભવના આધારે, રાજ્ય સંઘ બીસીસીઆઈ અમ્પાયર માટે તમારું નામ આગળ વધારે છે.

BCCI પરીક્ષા લે છે

અમ્પાયર બનવા માટે BCCI લેવલ-1 પરીક્ષાનું આયોજન કરે છે, જેને ક્લિયર કરવું જરૂરી છે. BCCI દર વર્ષે આ પરીક્ષાનું આયોજન કરે છે. આ પરીક્ષા પહેલા BCCI 3 દિવસનો કોચિંગ ક્લાસ પણ આપે કરે છે, જેમાં ઉમેદવારોને ઈન્ડક્શન કોર્સ આપવામાં આવે છે અને અમ્પાયરિંગ વિશે શિક્ષણ આપવામાં આવે છે.

આ પછી, પ્રેક્ટિકલ અને મૌખિક પરીક્ષાઓ લેવામાં આવે છે. જેઓ લેવલ-1 પરીક્ષા પાસ કરે છે તેઓએ લેવલ-2 ની પરીક્ષા આપવી પડશે. જે બાદ મેડિકલ ટેસ્ટ થાય છે અને ત્યારબાદ સફળ ઉમેદવારો BCCI અમ્પાયર બને છે.