IND Vs BAN: ટેસ્ટ સિરીઝ માટે ટીમની જાહેરાત, અનકેપ્ડ ખેલાડીને મળ્યું સ્થાન

બાંગ્લાદેશે ભારત અને બાંગ્લાદેશ વચ્ચેની બે મેચની ટેસ્ટ સિરીઝ માટે પોતાની ટીમની જાહેરાત કરી દીધી છે. જેમાં એક ખેલાડી ઈજાના કારણે બહાર છે. આ ઈજાગ્રસ્ત ખેલાડીની જગ્યાએ એક અનકેપ્ડ ખેલાડીને ટીમમાં જગ્યા આપવામાં આવી છે. તમને જણાવી દઈએ કે, તાજેતરમાં બાંગ્લાદેશની ટીમે પાકિસ્તાનને ઘરઆંગણે બે મેચની ટેસ્ટ સિરીઝમાં 2-0થી હરાવ્યું છે. આવી પરિસ્થિતિમાં બાંગ્લાદેશની ટીમનું મનોબળ ઉંચુ છે. હવે ભારતીય ટીમ આ ટેસ્ટ સિરીઝમાં બાંગ્લાદેશની ટીમને હળવાશથી લેવા માંગશે નહીં.

શૌરીફુલ ઈસ્લામ ટીમની બહાર

ટીમના ઝડપી બોલર શૌરીફુલ ઈસ્લામને આ ટેસ્ટ સિરીઝમાંથી બહાર રાખવામાં આવ્યો છે. શૌરીફુલ ઈસ્લામ પીઠની ઈજાથી પીડાઈ રહ્યો છે, જેના કારણે તેને ટીમમાં સામેલ કરવામાં આવ્યો નથી. બાંગ્લાદેશે 16 સભ્યોની ટીમમાં એક અનકેપ્ડ ખેલાડીનો સમાવેશ કર્યો છે. જે બાદ આ ખેલાડી ભારત સામે ટેસ્ટ ડેબ્યૂ કરવા માટે તૈયાર છે.

જેકર અલીને ટીમમાં મળ્યું સ્થાન

અનકેપ્ડ ખેલાડી જેકર અલીને ભારત સાથેની ટેસ્ટ સિરીઝ માટે બાંગ્લાદેશની 16 સભ્યોની ટીમમાં સામેલ કરવામાં આવ્યો છે. હવે ઝાકિર ભારત સામે તેની પહેલી ટેસ્ટ મેચ રમવા માટે તૈયાર છે. ફર્સ્ટ ક્લાસ અને લિસ્ટ એ ક્રિકેટમાં જેકરનું પ્રદર્શન શાનદાર રહ્યું છે. જેકરે 49 ફર્સ્ટ ક્લાસ અને 93 લિસ્ટ એ મેચ રમી છે. ફર્સ્ટ ક્લાસમાં બેટિંગ કરતી વખતે જેકરે લિસ્ટ એ ક્રિકેટમાં 2862 રન અને 2181 રન બનાવ્યા છે.

બે મેચની ટેસ્ટ સિરીઝ માટે આવી છે બાંગ્લાદેશની ટીમ

નાઝમુલ હુસૈન શાંતો (કેપ્ટન), શદમન ઈસ્લામ, ઝાકિર હસન, મોમિનુલ હક, મુશફિકુર રહીમ, શાકિબ અલ હસન, લિટન દાસ, મેહદી હસન મિરાજ, જેકર અલી, તસ્કીન અહેમદ, હસન મહમૂદ, નાહીદ રાણા, તાઈજુલ ઈસ્લામ, મહમુદુલ હસન જોય, નઈમ હસન અને ખાલિદ અહેમદ.