શું વરસાદ આજની રમત બગાડશે? જાણો નાગપુરનું હવામાન અને પીચ રિપોર્ટ

• નાગપુરના વિદર્ભ ક્રિકેટ એસોસિએશન સ્ટેડિયમમાં આજે મુકાબલો
  
• આજે નાગપુરમાં વરસાદની સંભાવના, રમત મોડી શરૂ થઈ શકે
• વરસાદના કારણે બંને ટીમોના પ્રેક્ટિસ સેશન રદ કરવામાં આવ્યા

ભારત અને ઓસ્ટ્રેલિયા વચ્ચે ત્રણ મેચની સીરિઝની બીજી T20 ઈન્ટરનેશનલ મેચ આજે નાગપુરમાં રમાશે. વરસાદના કારણે બંને ટીમો મેચના એક દિવસ પહેલા પ્રેક્ટિસ સેશનમાં ભાગ લઈ શકી ન હતી.

સાંજે 7.30 મુકાબલો યોજાશે

ઓસ્ટ્રેલિયા સામેની ત્રણ મેચની T20 આંતરરાષ્ટ્રીય શ્રેણીમાં ટીમ ઈન્ડિયા 0-1થી પાછળ છે. શ્રેણીની બીજી મેચ આજે નાગપુરના વિદર્ભ ક્રિકેટ એસોસિએશન સ્ટેડિયમમાં સાંજે 7.30 વાગ્યાથી રમાશે. મેચના એક દિવસ પહેલા વરસાદના કારણે ભારતીય અને ઓસ્ટ્રેલિયાની ટીમે પોતાનું પ્રેક્ટિસ સેશન રદ કરવું પડ્યું હતું. ચાલો જાણીએ કે આજનો હવામાન અહેવાલ કેવો છે અને પિચ કેવી રહેશે. ભારત પ્રથમ મેચમાં ઓસ્ટ્રેલિયા સામે ચાર વિકેટે હારી ગયું હતું. ભારતે શ્રેણીમાં ટકી રહેવા માટે આ મેચ કોઈપણ ભોગે જીતવી પડશે.

હવામાન અહેવાલ શું કહે છે?

નાગપુરમાં શુક્રવારે એટલે કે આજે વરસાદની સંભાવના છે, આવી સ્થિતિમાં સાંજે વરસાદના કારણે મેચમાં ખલેલ પડી શકે છે. સાંજે વરસાદની સંભાવના છે, જોકે વરસાદ વધુ તીવ્ર થવાની શક્યતા ઓછી છે, તેથી રમત મોડી શરૂ થઈ શકે છે.

પિચ રિપોર્ટ શું કહે છે?

નાગપુરના હવામાનને ધ્યાનમાં રાખીને ત્યાં ઝાકળ એક મહત્વપૂર્ણ પરિબળ સાબિત થઈ શકે છે, આવી સ્થિતિમાં ટીમ માટે પ્રથમ બેટિંગ કરવી મુશ્કેલ બની શકે છે. ટોસ જીતનારી ટીમ પહેલા ફિલ્ડિંગ કરવાનો નિર્ણય કરી શકે છે. આ સિવાય નાગપુરની પીચ પર સ્પિનરોને મદદ મળી શકે છે.

બંને ટીમોની સંભવિત પ્લેઇંગ 11

ભારત:

કેએલ રાહુલ, રોહિત શર્મા (કેપ્ટન), વિરાટ કોહલી, સૂર્યકુમાર યાદવ, હાર્દિક પંડ્યા, દિનેશ કાર્તિક, અક્ષર પટેલ, ભુવનેશ્વર કુમાર, દીપક ચાહર, યુઝવેન્દ્ર ચહલ, જસપ્રિત બુમરાહ.

ઓસ્ટ્રેલિયાઃ

એરોન ફિન્ચ, કેમેરોન ગ્રીન, સ્ટીવ સ્મિથ, ગ્લેન મેક્સવેલ, જોશ ઈંગ્લિસ, ટિમ ડેવિડ, મેથ્યુ વેડ, પેટ કમિન્સ, નાથન એલિસ, એડમ ઝમ્પા, જોશ હેઝલવુડ.