- T20 વર્લ્ડકપ 2024માં ભારતીય ટીમનું શાનદાર પ્રદર્શન
- ભારત આજે રાત્રે 8 વાગ્યે બાંગ્લાદેશ સામે રમશે
- બેટિંગ કોચે પ્રેસ કોન્ફરન્સમાં ઓપનિંગ જોડી વિશે વાત કરી
T20 વર્લ્ડકપ 2024માં ભારતીય ટીમે શાનદાર પ્રદર્શન કર્યું છે. ભારત આજે રાત્રે 8 વાગ્યે બાંગ્લાદેશ સામે રમશે. આ મેચ જીતીને ભારતીય ટીમ સેમિફાઇનલમાં પહોંચવાનો પ્રયાસ કરશે. ભારતીય ટીમે અત્યાર સુધીની સફરમાં બોલિંગ સાથે ખૂબ જ જોરદાર પ્રદર્શન કર્યું છે. અમેરિકામાં રમાયેલી મેચમાં ટીમના બેટ્સમેનો સંઘર્ષ કરતા જોવા મળ્યા હતા પરંતુ વેસ્ટ ઈન્ડિઝમાં રમાયેલી છેલ્લી મેચમાં પણ ભારતે 181 રન બનાવીને બેટિંગની તાકાતનું પ્રદર્શન કર્યું છે.
ઓપનિંગ કોમ્બિનેશનને લઇ ટેન્શન
જો કે ટીમના ઓપનિંગને લઈને હજુ પણ સવાલો ઉઠી રહ્યા છે. વિરાટ કોહલી-રોહિત શર્માની જોડી અત્યાર સુધી સારી ઓપનિંગ કરવામાં નિષ્ફળ રહી છે. આ દરમિયાન ટીમના બેટિંગ કોચ વિક્રમ રાઠોડે પ્રેસ કોન્ફરન્સમાં ઓપનિંગ જોડી વિશે વાત કરી છે.
બેટિંગ કોચે શું કહ્યું?
ભારતીય ટીમના બેટિંગ કોચ વિક્રમ રાઠોડે કહ્યું કે મને ખબર નથી કે વિરાટ કોહલીની ઓપનિંગથી કોણ ખુશ નથી. જ્યારે અમને લાગે છે કે દરેક ઇચ્છે છે કે તે ઇનિંગ્સની શરૂઆત કરે. ઓપનિંગ જોડીને લઈને અમારા મનમાં કોઈ પણ પ્રકારની શંકા નથી. જો ટીમ તેની ઓપનિંગ જોડીને લઈને કોઈ ફેરફાર કરશે તો તે માત્ર શરતો પર આધારિત હશે. રોહિત-કોહલી અનુભવી ખેલાડીઓ છે અને તેઓ વેસ્ટ ઈન્ડિઝમાં સારું રમશે.
રોહિત-કોહલી કરી રહ્યા છે ઓપનિંગ
રોહિત શર્મા અને વિરાટ કોહલી આ વર્લ્ડકપમાં ટીમ માટે ઓપનિંગ કરી રહ્યા છે. આ બંનેએ ગ્રુપ સ્ટેજની પ્રથમ મેચમાં આયર્લેન્ડ સામે 16 બોલમાં 22 રનની શાનદાર શરૂઆત અપાવી હતી. આ પછી ટીમે પાકિસ્તાન સામે 9 બોલમાં 12 રન પર પોતાની પ્રથમ વિકેટ ગુમાવી હતી. યુએસએ સામે રમાયેલી ત્રીજી મેચમાં આ ઓપનિંગ જોડી ઇનિંગ્સના બીજા જ બોલ પર તૂટી ગઈ હતી. આ પછી સુપર-8માં અફઘાનિસ્તાન સામે ટીમની ઓપનિંગ જોડી 17 બોલમાં માત્ર 11 રન જ બનાવી શકી હતી.
રોહિત શર્માનું પ્રદર્શન
T20 વર્લ્ડકપમાં કેપ્ટન રોહિત શર્માએ અત્યાર સુધી 4 મેચમાં કુલ 76 રન બનાવ્યા છે. રોહિત શર્માએ પ્રથમ મેચમાં આયર્લેન્ડ સામે 37 બોલમાં 52 રનની ઇનિંગ રમી હતી. આ પછી રોહિત શર્માએ પાકિસ્તાન સામે 12 બોલમાં 13 રન બનાવ્યા હતા. રોહિત શર્માએ યુએસએ સામે 6 બોલમાં 3 અને અફઘાનિસ્તાન સામે 13 બોલમાં 8 રન બનાવ્યા હતા.
વિરાટ કોહલીનું પ્રદર્શન
વિરાટ કોહલીએ પ્રથમ મેચમાં આયર્લેન્ડ સામે 5 બોલમાં 1 રન બનાવ્યો હતો. આ પછી વિરાટે પાકિસ્તાન સામે 12 બોલમાં 13 રન બનાવ્યા હતા. વિરાટ કોહલીએ યુએસએ સામે પહેલા જ બોલ પર પોતાની વિકેટ ગુમાવી હતી. વિરાટ કોહલીએ અફઘાનિસ્તાન સામે 24 બોલમાં 24 રનની ઇનિંગ રમી હતી.
