ભારત અને ઈંગ્લેન્ડની ટીમો વચ્ચે રમાઈ રહી છે મેચ
આ મેચમાં વિરાટ કોહલી માત્ર 9 રન બનાવીને આઉટ
T20 વર્લ્ડકપની સેમિફાઈનલમાં પ્રથમ વખત કોહલી ફ્લોપ

T20 વર્લ્ડકપ 2024ની બીજી સેમિફાઈનલ મેચ ભારત અને ઈંગ્લેન્ડની ટીમો વચ્ચે રમાઈ રહી છે. આ મેચમાં ભારતીય ટીમ ટોસ હારીને પ્રથમ બેટિંગ કરવા આવી છે. આ વર્લ્ડકપમાં ખરાબ ફોર્મ સાથે સંઘર્ષ કરી રહેલો વિરાટ કોહલી આ મેચમાં પણ શાંત રહ્યો. આ મોટી મેચમાં પણ તે મોટો સ્કોર કરવામાં નિષ્ફળ રહ્યો છે. આ મેચમાં વિરાટ કોહલી સાથે કંઈક એવું થયું જે તેની કારકિર્દીમાં પહેલા ક્યારેય જોવા મળ્યું ન હતું.

વિરાટ કોહલી ફ્લોપ

ઈંગ્લેન્ડ સામે રમાઈ રહેલી આ મેચમાં વિરાટ કોહલી માત્ર 9 બોલનો સામનો કરી શક્યો હતો. આ દરમિયાન તેણે 1 સિકસની મદદથી 9 રન બનાવ્યા હતા. T20 વર્લ્ડકપની નોકઆઉટ મેચમાં આ પહેલીવાર છે જ્યારે વિરાટ કોહલી ફિફ્ટી ફટકાર્યા વિના આઉટ થયો હોય. આ પહેલા વિરાટ કોહલી T20 વર્લ્ડકપની 4 નોકઆઉટ મેચ રમી ચૂક્યો છે. આ તમામ મેચોમાં વિરાટ કોહલીએ ફિફ્ટી ફટકારી હતી. પરંતુ આ વખતે વિરાટ ડબલ ફિગરને પણ સ્પર્શી શક્યો નથી.