IND vs ENG: સૂર્યકુમારે ફટકારી ગગનચૂંબી સિક્સર, દર્શકો રહી ગયા દંગ;જુઓ વીડિયો

• ભારત અને ઈંગ્લેન્ડ વચ્ચે સેમિફાઈનલ મેચ
  
• આ મેચમાં સૂર્યાએ ગગનચુંબી સિક્સ ફટાકારી
• આ સિક્સનો વીડિયો સોશિયલ મીડિયા પર વાયરલ

ટીમ ઈન્ડિયાનો સ્ટાર બેટ્સમેન સૂર્યકુમાર યાદવ T20 વર્લ્ડકપમાં સારા ફોર્મમાં જોવા મળી રહ્યો છે. સૂર્યાએ યુએસએ સામે અણનમ 50 રન અને અફઘાનિસ્તાન સામે 53 રનની ઇનિંગ રમી હતી. તેણે ઓસ્ટ્રેલિયા સામે પણ 31 રન બનાવીને મોટું યોગદાન આપ્યું હતું. હવે તેણે ઇંગ્લેન્ડ સામે ચાલી રહેલા T20 વર્લ્ડકપની સેમિફાઇનલમાં પોતાની સ્ટાઇલિશ બેટિંગ સ્ટાઈલ બતાવી છે.

સૂર્યાએ ગગનચુંબી સિક્સ ફટાકારી

સૂર્યાએ ક્રિસ જોર્ડનની ઓવરમાં શાનદાર શૉટ વડે સિક્સ ફટકારી હતી, જે ઘા ઈંગ્લેન્ડે ગત T20 વર્લ્ડકપમાં ભારતીય ટીમને આપ્યો હતો. સૂર્યાએ અમુક અંશે આની ભરપાઈ કરવાનો પ્રયાસ કર્યો. સૂર્યાએ આઠમી ઓવરમાં પોતાની સ્ટાઇલિશ બેટિંગની આ ઝલક દેખાડી. પ્રથમ ત્રણ બોલમાં ક્રિસ જોર્ડને માત્ર 3 રન બનાવ્યા ત્યારે સૂર્યા વિચલિત થઈ ગયો હતો.

તે મોટો શોટ મારવાની તક શોધવા લાગ્યો. તેને ચોથા બોલ પર જ આ તક મળી હતી. જોર્ડને આગલો બોલ ફેંકતાની સાથે જ સૂર્યાએ કાંડાની મદદથી ઓફ-સ્ટમ્પની બહાર જતા બોલને ઉપાડ્યો અને ફાઇન લેગ પર ગગનચુંબી સિક્સર ફટાકારી હતી. આ સિકસ જોઈને કરોડો ભારતીય ચાહકો ખુશ થઈ ગયા હતા.