IND vs ENG: આઉટ થયા બાદ કોહલી થયો નિરાશ,દ્રવિડે કર્યો પ્રોત્સાહિત; Video

• ભારત અને ઈંગ્લેન્ડ વચ્ચે સેમિફાઈનલ મેચ
  
• વિરાટ કોહલીએ ફરી એકવાર ફ્લોપ રહ્યો હતો
• વિરાટ કોહલી માત્ર 9 રન બનાવીને આઉટ

ભારત અને ઈંગ્લેન્ડ વચ્ચે રમાયેલી T20 વર્લ્ડકપની બીજી સેમીફાઈનલમાં સ્ટાર બેટ્સમેન વિરાટ કોહલીએ ફરી એકવાર ફ્લોપ રહ્યો હતો. કોહલી ઓપનિંગ કરવા આવ્યો હતો અને માત્ર 9 રન બનાવીને આઉટ થયો હતો. તેણે સિક્સર ફટકારીને ચાહકોને ખુશ કરી દીધા, પરંતુ આ ખુશી વધુ સમય ટકી શકી નહીં. ત્રીજી ઓવરમાં ચોથા બોલ પર રીસ ટોપલીએ તેને બોલ્ડ કરીને પેવેલિયનનો રસ્તો બતાવ્યો હતો.

કોચે કોહલીને પ્રોત્સાહિત કર્યો

વિરાટ કોહલીના આઉટ થતા જ કરોડો ચાહકોના ચહેરા પર નિરાશા છવાઈ ગઈ હતી. કોહલી પોતે પણ પોતાની વિકેટથી નિરાશ જોવા મળ્યો હતો. તે ડ્રેસિંગ રૂમની બહાર ચહેરો લટકાવીને બેઠો હતો. તેને નિરાશ જોઈને કોચ રાહુલ દ્રવિડ તરત જ સીડીઓ ચઢીને તેની પાસે પહોંચ્યા. દ્રવિડે જતાની સાથે જ તેના પગ પર હાથ મૂકી તેને પ્રોત્સાહિત કર્યો. દ્રવિડના આ ઈશારે કરોડો ક્રિકેટ ચાહકોના દિલ જીતી લીધા. એક સ્ટાર ખેલાડી માટે તેના કોચ ખરાબ સમયમાં તેને પ્રોત્સાહિત કરે તેનાથી વધુ મહત્વનું શું હોઈ શકે?

ટીમ ઈન્ડિયા સાથે રાહુલ દ્રવિડની આ છેલ્લી ટૂર્નામેન્ટ છે. આ પછી તેમનો કાર્યકાળ સમાપ્ત થશે. આ પહેલા પણ દ્રવિડ ખરાબ સમયમાં વિરાટ કોહલીને સપોર્ટ કરતો જોવા મળ્યો હતો. કોહલી અને દ્રવિડની આ ક્ષણ ક્રિકેટ પ્રેમીઓના દિલ જીતી રહી છે.

વિરાટ કોહલી વર્લ્ડકપમાં ફ્લોપ

વિરાટ કોહલી આ વર્લ્ડકપમાં ફ્લોપ સાબિત થયો છે. ઓસ્ટ્રેલિયા અને યુએસએ સામે તે શૂન્ય પર આઉટ થયો હતો. તે પાકિસ્તાન સામે માત્ર 4 રન બનાવી શક્યો હતો. કોહલી આ વર્લ્ડકપમાં સાત મેચમાં માત્ર 75 રન જ બનાવી શક્યો છે. આવી સ્થિતિમાં તેના નંબર-3 પર બેટિંગ કરવા પર પણ સવાલો ઉઠી રહ્યા છે.