- ભારત અને ઈંગ્લેન્ડ વચ્ચે ટેસ્ટ સિરીઝની બીજી મેચ
- વિશાખાપટ્ટનમના સ્ટેડિયમમાં રમાઈ રહી છે મેચ
- સચિન તેંડુલકરે યશસ્વી જયસ્વાલના વખાણ કર્યા
ભારતીય ટીમનો ઉભરતો સ્ટાર, યશસ્વી જયસ્વાલ સફેદ બોલ બાદ લાલ બોલ પણ ક્રિકેટમાં સફળ ઓપનર સાબિત થઈ રહ્યો છે. તેણે ઈંગ્લેન્ડ સામે વિશાખાપટ્ટનમ ટેસ્ટના પહેલા દિવસે શાનદાર સદી ફટકારી હતી. આ તેની ટેસ્ટ કારકિર્દીની બીજી અને ભારતીય ધરતી પર પ્રથમ સદી હતી. તેણે પોતાની ઇનિંગ્સથી બધાનું દિલ જીતી લીધું અને ક્રિકેટના ભગવાન સચિન તેંડુલકરે પણ તેની પ્રશંસા કરી હતી. સચિને યશસ્વી માટે એક ખાસ પોસ્ટ સોશિયલ મીડિયા પર શેર કરી છે.
સચિને અભિનંદન પાઠવ્યા
સચિન તેંડુલકરે તેની પોસ્ટ દ્વારા યશસ્વીની બેટિંગના વખાણ કર્યા અને માત્ર બે શબ્દોમાં તેની પ્રશંસા કરી અને આશીર્વાદ પણ આપ્યા. વાસ્તવમાં, યશસ્વીનું નામ પણ ખૂબ જ સુંદર છે, આવી સ્થિતિમાં સચિને સદી ફટકારતા તેની તસવીર શેર કરી અને X પર લખ્યું, 'યશસ્વી ભવ:' યશસ્વીએ એવું કામ કર્યું કે ક્રિકેટના ભગવાન પણ તેનાથી ખુશ થઈ ગયા. . આટલું જ નહીં સોશિયલ મીડિયા પર ક્રિકેટ ફેન્સ પણ તેની બેટિંગથી મોહિત થયા હતા અને બધાએ તેના વખાણ કર્યા હતા.
યશસ્વીની શાનદાર કારકિર્દી
યશસ્વી જયસ્વાલની આ માત્ર છઠ્ઠી ટેસ્ટ છે અને તેની પ્રથમ 10 ઇનિંગ્સમાં તેણે 500 રનનો આંકડો પાર કર્યો છે. તેની કારકિર્દી અત્યાર સુધી ઘણી શાનદાર રહી છે. તેણે અત્યાર સુધી 60થી ઉપરની એવરેજથી રન બનાવ્યા છે. અગાઉની ટેસ્ટમાં તેનો સર્વશ્રેષ્ઠ સ્કોર 171 રન હતો. તેણે આ ઈનિંગમાં તેને પાર પણ કર્યો હતો. તે ધીમે ધીમે બેવડી સદી તરફ આગળ વધી રહ્યો છે. હાલમાં યશસ્વી જ્યસ્વાલ સુનીલ ગાવસ્કરના ક્લબમાં સામેલ થયો છે.
ભારત માટે પ્રથમ 10 ટેસ્ટ ઇનિંગ્સમાં 500 પ્લસ રન બનાવનાર ભારતીય ખેલાડી-
- સુનીલ ગાવસ્કર
- રોહિત શર્મા
- મયંક અગ્રવાલ
- સદગોપન રમેશ
- દિનેશ કાર્તિક
- શિખર ધવન
- વિરેન્દ્ર સેહવાગ
- યશસ્વી જયસ્વાલ
