શુભમન ગિલે એવી સિક્સર ફટકારી કે બોલ સ્ટેડિયમની બહાર પડ્યો, જુઓ વીડિયો

• આજે ભારત અને નેધરલેન્ડ વચ્ચે મેચ
  
• બેંગલુરૂના એમ ચિન્નાસ્વામી સ્ટેડિયમમાં મેચ
• શુભમન ગિલે 95 મીટરની સિક્સ ફટકારી

શુભમન ગિલે નેધરલેન્ડ સામેની ઈનિંગની ત્રીજી ઓવરમાં એવી સિક્સર ફટકારી કે બોલ સ્ટેડિયમની બહાર ફેંક્યો હતો. તેણે આ સ્કાયસ્ક્રેપર સિક્સર સ્ટેડિયમની છત પર ફટકારી જેના કારણે બોલ બહાર ગયો હતો. આ ટૂર્નામેન્ટમાં અત્યાર સુધીની સૌથી લાંબી સિક્સ ભારતીય બેટ્સમેન શ્રેયસ અય્યરે ફટકારી હતી. તેણે વાનખેડે ખાતે શ્રીલંકા સામે 106 મીટરના અંતરે સિક્સ ફટકારી હતી. હવે ગિલે આ સ્કાયસ્ક્રેપર સિક્સર ફટકારી.

ICCએ વીડિયો શેર કર્યો

શુભમન ગિલે ત્રીજી ઓવરના છેલ્લા બોલ પર સ્પિનર ​​આર્યન દત્ત સામે આ શોટ ફટકાર્યો હતો. તે સામાન્ય રીતે તેની ગ્રાઉન્ડેડ અને ક્લાસિકલ ડ્રાઈવ માટે જાણીતો છે. પરંતુ આ વખતે તેણે શરૂઆતથી જ આક્રમક બેટિંગ કરી હતી. કેપ્ટન રોહિત શર્મા અને તેનો સાથી ગિલના આ સિક્સરને જોતો જ રહ્યો હતો. જો કે તે સૌથી લાંબી સિક્સ ન હતી, પરંતુ બોલ કદાચ સ્ટેડિયમના પાર્કિંગ ઝોનમાં પડ્યો હતો.

વર્લ્ડકપ 2023ની ત્રીજી ફિફ્ટી

શુભમન ગિલે આ ઈનિંગમાં 32 બોલમાં 51 રન બનાવ્યા છે. વર્લ્ડકપ 2023માં આ તેની ત્રીજી ફિફ્ટી ફટકારી હતી. તેણે નેધરલેન્ડ સામે આક્રમક બેટિંગ કરી હતી. આ ઇનિંગમાં તેણે 3 ફોર અને 4 સિક્સર ફટકારી હતી. જોકે, તે લાંબો સમય ટકી શક્યો નહીં અને વેન મીકેરેનનો શિકાર બન્યો હતો.

વર્લ્ડકપ 2023ની સૌથી લાંબી સિક્સ

1. શ્રેયસ અય્યર- 106 મીટર
2. ગ્લેન મેક્સવેલ- 104 મીટર
3. શ્રેયસ અય્યર- 101 મીટર
4. ફખર ઝમાન- 99 મીટર
5. ડેવિડ વોર્નર- 98 મીટર
6. શુભમન ગિલ- 95 મીટર