IND vs SA: જોહાનિસબર્ગમાં બેટ્મેનોને થશે ફાયદો,આવી હશે પ્લેઇંગ 11

• ભારત અને દક્ષિણ આફ્રિકા વચ્ચે પ્રથમ વનડે જોહાનિસબર્ગમાં રમાશે
  
• વાન્ડરર્સની પીચ પર બેટ્સમેનોને ઘણી મદદ મળશે
• કેએલ રાહુલ ટીમ ઈન્ડિયાની કેપ્ટનશીપ કરશે

T20 સિરીઝ 1-1 થી બરાબર રહ્યા બાદ હવે ભારત અને સાઉથ આફ્રિકા ત્રણ મેચની વનડે સિરીઝમાં સામસામે ટકરાશે. વનડે શ્રેણીની પ્રથમ મેચ 17 ડિસેમ્બરે જોહાનિસબર્ગમાં રમાશે. કેએલ રાહુલની કપ્તાનીમાં ટીમ ઈન્ડિયા શ્રેણીની શરૂઆત જીત સાથે કરવા ઈચ્છશે.

કેવી છે જોહાનિસબર્ગની પિચ?

ભારત અને દક્ષિણ આફ્રિકા વચ્ચેની પ્રથમ ODI મેચ જોહાનિસબર્ગના ધ વાન્ડરર્સ મેદાન પર રમાશે. વાન્ડરર્સના મેદાનમાં બેટ્સમેનોનું વર્ચસ્વ રહેશે. આ મેદાન પર ઘણા ચોગ્ગા અને છગ્ગાનો વરસાદ થઇ શકે છે. અહીં સારા બાઉન્સને કારણે બોલ બેટ પર સરળતાથી આવી જાય છે. જોકે, પિચ પણ સ્પિન બોલરોને ઘણી મદદ કરે છે, જેનું તાજેતરનું ઉદાહરણ ત્રીજી T20 મેચમાં જોવા મળ્યું.

આંકડાઓ શું કહે છે?

વાન્ડરર્સે અત્યાર સુધીમાં કુલ 51 ODI મેચોની યજમાની કરી છે. આ સમયગાળા દરમિયાન પ્રથમ બેટિંગ કરનારી ટીમે 21 મેચ જીતી છે. તે જ સમયે, પીછો કરતી ટીમે 28 મેચમાં જીત મેળવી છે. એટલે કે આ મેદાન પર રનનો પીછો કરવો વધુ સારો સાબિત થયો છે. પ્રથમ દાવમાં સરેરાશ સ્કોર 240 હતો જ્યારે બીજી ઈનિંગમાં સરેરાશ સ્કોર 204 હતો.

કેવો રહેશે ભારતનો બેટિંગ ઓર્ડર?

દક્ષિણ આફ્રિકા સામેની પ્રથમ વનડેમાં ટીમ ઈન્ડિયાની ઈનિંગની શરૂઆત કરવાની જવાબદારી રૂતુરાજ ગાયકવાડ અને શુભમન ગિલના ખભા પર રહેશે. શ્રેયસ અય્યર ત્રીજા નંબર પર રમતા જોવા મળશે. જોકે, અય્યર પ્રથમ વનડે માટે જ ઉપલબ્ધ રહેશે. તે જ સમયે, કેપ્ટન કેએલ રાહુલ પોતે ચોથા નંબરનો બોજ સંભાળી શકે છે.

સંજુ સેમસનની થશે વાપસી

સંજુ સેમસન મિડલ ઓર્ડર પર રમવા આવશે. કેપ્ટન કેએલ રાહુલે આ વિશા જાણકારી આપી હતી. સંજુએ તેની છેલ્લી વનડે મેચ આ વર્ષે ઓગસ્ટમાં વેસ્ટ ઈન્ડિઝ સામે રમી હતી. જોકે ત્યારપછી તે ભારતીય ટીમમાં જગ્યા બનાવી શક્યો નહોતો. T-20 સિરીઝમાં બેટ વડે ભારે ધૂમ મચાવનાર રિંકુ સિંહને ફિનિશર તરીકે પ્લેઈંગ ઈલેવનમાં સામેલ કરી શકાય છે. રવિન્દ્ર જાડેજાની ગેરહાજરીમાં અક્ષર પટેલ રમશે તે નિશ્ચિત માનવામાં આવે છે.

ભારતની સંભવિત પ્લેઇંગ 11

રૂતુરાજ ગાયકવાડ, શુભમન ગિલ, શ્રેયસ ઐયર, કેએલ રાહુલ (C & WC), સંજુ સેમસન, રિંકુ સિંહ, અક્ષર પટેલ, કુલદીપ યાદવ, અર્શદીપ સિંહ, આવેશ ખાન, મુકેશ કુમાર.

IND vs SA 1લી ODI મેચનું લાઇવ પ્રસારણ

ભારતીય સમય અનુસાર આ મેચ બપોરે 1.30 વાગ્યે શરૂ થશે. તેને સ્ટાર સ્પોર્ટ્સ નેટવર્ક પર લાઈવ જોઈ શકાશે. આ સિવાય જો આપણે OTT પ્લેટફોર્મ વિશે વાત કરીએ તો આ મેચ Disney + Hotstar પર લાઈવ જોઈ શકાય છે.