IND Vs SA: શેફાલી વર્માએ રચ્યો ઈતિહાસ, આ કારનામું કરનારી પ્રથમ ખેલાડી

• શેફાલી વર્માએ બેવડી સદી ફટકારીને ઈતિહાસ રચ્યો
  
• શેફાલી ટેસ્ટ ક્રિકેટમાં બેવડી સદી ફટકારનારી બીજી ભારતીય ક્રિકેટર બની
• સ્મૃતિ મંધાનાએ પણ સદી ફટકારી છે

ભારતીય મહિલા ક્રિકેટ ટીમ અને દક્ષિણ આફ્રિકાની મહિલા ક્રિકેટ ટીમ વચ્ચે ચેન્નાઈમાં ટેસ્ટ મેચ રમાઈ રહી છે. ટીમ ઈન્ડિયા આ મેચના પહેલા દિવસથી જ મજબૂત સ્થિતિમાં જોવા મળી રહી છે. જેનું મુખ્ય કારણ ટીમના બે ઓપનિંગ બેટ્સમેન સ્મૃતિ મંધાના અને શેફાલી વર્મા છે. શેફાલી વર્માએ આ મેચમાં બેવડી સદી ફટકારીને ઈતિહાસ રચ્યો છે.

શેફાલીએ સૌથી ઝડપી બેવડી સદી ફટકારી

ટેસ્ટ મેચના પહેલા દિવસે શેફાલી વર્માએ શાનદાર બેટિંગ કરી હતી. શેફાલીની આ પ્રથમ ટેસ્ટ મેચ છે અને તેની પહેલી જ ટેસ્ટ મેચમાં શેફાલીએ બેવડી સદી ફટકારી હતી. આ મેચમાં શેફાલીએ 197 બોલમાં 205 રનની ઈનિંગ રમી હતી. શેફાલીએ પોતાની ઈનિંગમાં 23 ચોગ્ગા અને 8 છગ્ગા ફટકાર્યા હતા. શેફાલીને તેની બેવડી સદી ફટકારવામાં 194 બોલનો સમય લાગ્યો હતો.

બીજી ભારતીય બેટરે ફટકારી બેવડી સદી

હવે શેફાલી મહિલા ટેસ્ટ ક્રિકેટમાં સૌથી ઝડપી બેવડી સદી ફટકારનારી પ્રથમ બેટર બની ગઈ છે. આ સિવાય શેફાલી મહિલા ટેસ્ટ ક્રિકેટમાં બેવડી સદી ફટકારનારી બીજી ભારતીય બેટર બની ગઈ છે. શેફાલી પહેલા ટીમ ઈન્ડિયાની પૂર્વ કેપ્ટન મિતાલી રાજે ટેસ્ટ ક્રિકેટમાં બેવડી સદી ફટકારી હતી. મિતાલી રાજે વર્ષ 2002માં બેવડી સદી ફટકારી હતી.

સ્મૃતિ મંધાનાએ પણ સદી ફટકારી

આ મેચમાં સ્મૃતિ મંધાનાએ પણ શાનદાર બેટિંગ કરી હતી અને શાનદાર સદી ફટકારી હતી. મંધાનાએ આ મેચમાં 149 રનની ઈનિંગ રમી હતી. પોતાની ઈનિંગ દરમિયાન સ્મૃતિ મંધાનાએ 27 ચોગ્ગા અને એક છગ્ગો ફટકાર્યો હતો. આ સ્મૃતિની પ્રથમ ટેસ્ટ સદી પણ હતી.