- ટીમ ઈન્ડિયા 5 મેચની T-20 સિરીઝ માટે ઝિમ્બાબ્વે પહોંચી
- ભારતીય ટીમ 6 જુલાઈથી 14 જુલાઈ સુધી સિરીઝ રમશે
- ટીમની કેપ્ટનશીપ શુભમન ગિલને સોંપવામાં આવી
ટીમ ઈન્ડિયા 5 મેચની T-20 સિરીઝ માટે ઝિમ્બાબ્વે પહોંચી ગઈ છે. અહીં ભારતીય ટીમ 6 જુલાઈથી 14 જુલાઈ સુધી સિરીઝ રમશે. આ સિરીઝ માટે સિનિયર ખેલાડીઓને આરામ આપવામાં આવ્યો છે. જ્યારે IPLના સ્ટાર ખેલાડીઓએ પોતાની જગ્યા બનાવી લીધી છે. એટલે કે એક રીતે જોઈએ તો ઝિમ્બાબ્વેમાં ખૂબ જ યુવા ટીમ રમતી જોવા મળશે. ટીમની કેપ્ટનશીપ શુભમન ગિલને સોંપવામાં આવી છે.
BCCIએ ટીમમાં કર્યા 2 ફેરફાર
ભારતીય ક્રિકેટ કંટ્રોલ બોર્ડ (BCCI) એ પણ મંગળવારે પ્રથમ બે T20 માટે ટીમમાં ફેરફાર કર્યા છે. BCCIએ સંજુ સેમસન, શિવમ દુબે અને યશસ્વી જયસ્વાલની જગ્યાએ સાઈ સુદર્શન, જીતેશ શર્મા અને હર્ષિત રાણાને ટીમમાં સામેલ કર્યા છે. આવી સ્થિતિમાં, પ્રશ્ન એ છે કે હરારે સ્પોર્ટ્સ ક્લબમાં રમાનારી પ્રથમ T20માં ભારતીય ટીમની પ્લેઈંગ ઈલેવન કઈ હોઈ શકે છે. ચાલો તમને જણાવીએ કે શુભમન ગિલ કયા 10 ખેલાડીઓને તેની સાથે તક આપી શકે છે.
ગિલ-અભિષેક ઓપનર
જયસ્વાલના આઉટ થવાથી એવી અટકળો લગાવવામાં આવી રહી છે કે શુભમન ગિલ અભિષેક શર્મા સાથે ઇનિંગ્સની શરૂઆત કરી શકે છે. આ IPLમાં સનરાઈઝર્સ હૈદરાબાદ તરફથી ઓપનિંગ કરતી વખતે અભિષેકે શાનદાર બેટિંગ કરી હતી. તેણે 16 મેચમાં 32.27ની એવરેજ અને 204.22ની સ્ટ્રાઈક રેટથી 484 રન બનાવ્યા. જેમાં 3 અડધી સદી સામેલ હતી. અભિષેક ગિલ સાથે લેફ્ટ-રાઈટ કોમ્બિનેશનમાં ફિટ થઈ જશે અને ટીમ ઈન્ડિયાને તોફાની શરૂઆત આપશે.
ધ્રુવ જુરેલ વિકેટકીપર
આ સાથે વિકેટકીપરને લઈને પણ સમસ્યા છે. સંજુ સેમસન પ્રથમ બે મેચમાંથી બહાર થયા બાદ ટીમ ઈન્ડિયા પાસે ધ્રુવ જુરેલ અને જીતેશ શર્મા જેવા વિકલ્પો છે. આવી સ્થિતિમાં જુરેલનો દાવો મજબૂત માનવામાં આવે છે. રાજસ્થાન રોયલ્સ તરફથી રમતી વખતે જુરેલે 14 મેચમાં 24.38ની એવરેજ અને 138.30ની સ્ટ્રાઈક રેટથી 195 રન બનાવ્યા હતા. તે ઘણી મેચોમાં ફિનિશર પણ સાબિત થયો હતો. જિતેશની વાત કરીએ તો પંજાબ કિંગ્સના ખેલાડીએ 14 મેચમાં 17.00ની એવરેજથી 187 રન બનાવ્યા હતા.
આવી હશે સંભવિત પ્લેઈંગ ઈલેવન
શુભમન ગિલ (કેપ્ટન), અભિષેક શર્મા, રૂતુરાજ ગાયકવાડ, રિયાન પરાગ, ધ્રુવ જુરેલ (વિકેટ કીપર), રિંકુ સિંહ, વોશિંગ્ટન સુંદર, આવેશ ખાન, રવિ બિશ્નોઈ, તુષાર દેશપાંડે/હર્ષિત રાણા, મુકેશ કુમાર.
ઝિમ્બાબ્વે સામેની પ્રથમ અને બીજી T20 મેચ માટે ટીમ ઈન્ડિયા
શુભમન ગિલ (કેપ્ટન), રૂતુરાજ ગાયકવાડ, અભિષેક શર્મા, રિંકુ સિંહ, રિયાન પરાગ, વોશિંગ્ટન સુંદર, ધ્રુવ જુરેલ (વિકેટ કીપર), રવિ બિશ્નોઈ, મુકેશ કુમાર, તુષાર દેશપાંડે, આવેશ ખાન, ખલીલ અહેમદ, સાઈ સુદર્શન, જીતેશ શર્મા (વિકેટ કીપર) હર્ષિત રાણા.
