T20 WC 2024માં ભારત ઐતિહાસિક જીતની નજીક, વર્લ્ડ રેકોર્ડની કરશે બરાબરી

• ટી20 વર્લ્ડ કપ 2024ની મેચ ભારત અને બાંગ્લાદેશની ટીમો વચ્ચે રમાઈ રહી છે
  
• ટીમ ઈન્ડિયા માટે આ મેચ ઘણી મહત્વની બની રહી છે
• ભારતઆ મેચમાં વર્લ્ડ રેકોર્ડની બરાબરી કરી શકે છે

ટી20 વર્લ્ડ કપ 2024ના સુપર-8 રાઉન્ડમાં આજે ભારત અને બાંગ્લાદેશની ટીમો સામસામે ટકરાશે. બંને ટીમો વચ્ચેની આ મેચ એન્ટીગુઆના સર વિવિયન રિચર્ડ્સ સ્ટેડિયમમાં રમાશે. ટીમ ઈન્ડિયા માટે આ મેચ ખૂબ જ ખાસ રહેવાની છે. વાસ્તવમાં ટીમ ઈન્ડિયા આ મેચ જીતીને વર્લ્ડ રેકોર્ડની બરાબરી કરી શકે છે.

ટીમ ઈન્ડિયા ઐતિહાસિક જીતની નજીક

ટી20 વર્લ્ડ કપના ઈતિહાસમાં ટીમ ઈન્ડિયાએ અત્યાર સુધી 48 મેચ રમી છે. આ સમયગાળા દરમિયાન તેણે 32 મેચ જીતી છે અને 15 મેચમાં હારનો સામનો કરવો પડ્યો છે. જો તે બાંગ્લાદેશને હરાવશે તો તે તેની 33મી જીત હશે. આવી પરિસ્થિતિમાં ટીમ ઈન્ડિયા ટી20 વર્લ્ડ કપમાં સૌથી વધુ મેચ જીતવાના રેકોર્ડની બરાબરી કરશે. તમને જણાવી દઈએ કે, આ રેકોર્ડ હાલમાં શ્રીલંકાના નામે છે. ટી20 વર્લ્ડ કપમાં શ્રીલંકાએ અત્યાર સુધી 33 મેચ જીતી છે.

T20 વર્લ્ડ કપમાં સૌથી વધુ મેચ જીતનાર ટીમ

શ્રીલંકા - 33 જીત

ભારત - 32 જીત

પાકિસ્તાન - 30 જીત

ઓસ્ટ્રેલિયા - 30 જીત

દક્ષિણ આફ્રિકા - 30 જીત

ટીમ ઈન્ડિયા કરશે બરાબરી

સુપર-8 રાઉન્ડમાં બંને ટીમોની આ બીજી મેચ હશે. ટીમ ઈન્ડિયાએ પોતાની પહેલી મેચમાં અફઘાનિસ્તાનને હરાવ્યું હતું. આ સાથે જ ઓસ્ટ્રેલિયા સામે રમાયેલી મેચમાં બાંગ્લાદેશને હારનો સામનો કરવો પડ્યો હતો. બંને ટીમો વચ્ચે અત્યાર સુધીમાં 13 ટી20 મેચ રમાઈ છે. આ દરમિયાન ટીમ ઈન્ડિયાએ 12 મેચ જીતી છે અને બાંગ્લાદેશ માત્ર 1 મેચ જીતવામાં સફળ રહી છે. ટી20 વર્લ્ડ કપમાં બંને ટીમો વચ્ચે અત્યાર સુધી 4 મેચ રમાઈ છે. આ તમામ મેચમાં ટીમ ઈન્ડિયાએ બાંગ્લાદેશને હરાવ્યું છે.