પહેલી મેચની હારનો બદલો લેવા ટીમ ઇન્ડિયા બુધવારે મેદાનમાં ઉતરશે

• બુધવાર 7 ડિસેમ્બરે 11.30 વાગ્યે બીજી ODI મેચ શરૂ થશે
  
• બાંગ્લાદેશ મેચ જીતીને શ્રેણી પર કબજો કરવા ઈચ્છશે
• પ્રથમ ODIમાં બાંગ્લાદેશે ભારતને એક વિકેટથી હરાવ્યું

બાંગ્લાદેશે ભારત સામેની 3 મેચની ODI શ્રેણીમાં જીત સાથે શરૂઆત કરી છે. પ્રથમ વનડેમાં બાંગ્લાદેશી ટીમે રોમાંચક રીતે ભારતને એક વિકેટથી હરાવ્યું હતું. આ મેચમાં બાંગ્લાદેશની જીતનો હીરો મહેંદી હસન મિરાજ હતો. હવે આ મેચ બાદ બંને ટીમો 7 ડિસેમ્બરે બીજી ODIમાં સામસામે ટકરાશે. બીજી ODIમાં જ્યાં ટીમ ઈન્ડિયા પ્રથમ મેચની હારનો બદલો લેવા ઈચ્છશે ત્યાં બાંગ્લાદેશ આ મેચ જીતીને શ્રેણી પર કબજો કરવા ઈચ્છશે.

મેચ ક્યારે અને ક્યાં રમાશે

ભારત અને બાંગ્લાદેશ વચ્ચે બીજી ODI મેચ 7 ડિસેમ્બરે રમાશે. આ મેચ શેર-એ-બાંગ્લા સ્ટેડિયમમાં રમાશે. આ મેચમાં એક તરફ ટીમ ઈન્ડિયા પ્રથમ ODIની હારનો બદલો લેવા મેદાનમાં ઉતરશે તો બીજી તરફ બાંગ્લાદેશની ટીમ પણ આ મેચ જીતીને શ્રેણી પોતાના નામે કરવાના ઈરાદા સાથે ઉતરશે.

લાઈવ મેચ ક્યારે અને ક્યાં જોઈ શકો છો

ભારત અને બાંગ્લાદેશ વચ્ચે ત્રણ મેચની ODI શ્રેણીની બીજી મેચ બુધવાર 7 ડિસેમ્બરે ભારતીય સમય અનુસાર સવારે 11.30 વાગ્યે શરૂ થશે. આ મેચનું જીવંત પ્રસારણ સોની નેટવર્ક અને સોની લાઈવ એપ પર કરવામાં આવશે. ક્રિકેટ ચાહકો ડીડી સ્પોર્ટ્સ પર પણ આ મેચનો આનંદ લઈ શકે છે. તમે Jio TV પર આ શ્રેણીની તમામ મેચનો લાઈવ આનંદ પણ લઈ શકો છો.

બંને ટીમોની સંભવિત પ્લેઇંગ ઇલેવન

ટીમ ઈન્ડિયા:

રોહિત શર્મા (કેપ્ટન), શિખર ધવન, વિરાટ કોહલી, લોકેશ રાહુલ (વિકેટકીપર), શ્રેયસ અય્યર, વોશિંગ્ટન સુંદર, દીપક ચહર, શાહબાઝ અહેમદ, મોહમ્મદ સિરાજ, કુલદીપ સેન.

બાંગ્લાદેશ:

લિટન દાસ (કેપ્ટન, વિકેટકીપર), નજમુલ હુસૈન, યાસિર અલી, આસિફ હુસૈન, મહમુદુલ્લાહ રિયાદ, મેહિદી હસન મિરાજ, શાકિબ અલ હસન, મુસ્તફિઝુર રહેમાન, નમસ અહેમદ, ઇબાદત હુસૈન.