IND vs SL: ઓપનિંગમાં સદી, નંબર-3 પર ફિફ્ટી; બહાર થયો સ્ટાર ખેલાડી

• શ્રીલંકા પ્રવાસ માટે ભારતીય ટીમની થઇ જાહેરાત
  
• શ્રીલંકા સામે ભારત T20 અને ODI સિરીઝ રમશે
• ટીમ ઈન્ડિયાની પસંદગી પર પણ સવાલો ઉઠ્યા

ભારત અને શ્રીલંકા વચ્ચે T20 અને ODI સિરીઝ શરૂ થવા જઈ રહી છે. જેને લઈને ટીમ ઈન્ડિયાની પણ જાહેરાત કરવામાં આવી છે. ટીમ ઈન્ડિયાની જાહેરાત સાથે જ પસંદગી પર પણ સવાલો ઉઠવા લાગ્યા છે. જેના કારણે ઘણા ખેલાડીઓની અવગણના થાય છે.

આ ખેલાડીઓ થયા બહાર

ટીમ ઈન્ડિયાના અનુભવી ઓલરાઉન્ડર રવિન્દ્ર જાડેજા અને યુઝવેન્દ્ર ચહલ જેવા ખેલાડીઓને પણ આ પ્રવાસમાં ટીમ ઈન્ડિયામાં તક મળી નથી. ટીમ ઈન્ડિયા માટે એક એવો ખેલાડી છે જેણે નંબર-1 પર બેટિંગ કરતી વખતે સદી અને નંબર-3 પર અડધી સદી ફટકારી છે. આ હોવા છતાં સ્ટાર ખેલાડીની પસંદગી ન તો ટી-20 કે ના વનડે સિરીઝમાં થઇ.

રૂતુરાજ ગાયકવાડને મળ્યું ન સ્થાન

IPL 2024માં ચેન્નાઈ સુપર કિંગ્સની કેપ્ટનશીપ કરનાર સ્ટાર બેટ્સમેન રૂતુરાજ ગાયકવાડને ઝિમ્બાબ્વે પ્રવાસ માટે ટીમ ઈન્ડિયામાં સામેલ કરવામાં આવ્યો હતો. આ સિરીઝમાં ગાયકવાડનું પ્રદર્શન પણ સારું રહ્યું હતું, પરંતુ તેમ છતાં ગાયકવાડને શ્રીલંકા પ્રવાસ માટે બંને સિરીઝમાંથી પડતો મૂકવામાં આવ્યો હતો.

ફેન્સ થયા નિરાશ

ગાયકવાડને સ્થાન ન મળવાથી ચાહકો પણ નિરાશ દેખાય છે. જેને લઈને સોશિયલ મીડિયાના ફેન્સ સતત પોસ્ટ શેર કરી રહ્યા છે. એક યુઝરે પોસ્ટ શેર કરીને લખ્યું કે રુતુરાજ ગાયકવાડને શ્રીલંકા પ્રવાસ માટે પસંદ ન કરવો એ ન્યાયની નિષ્ફળતા છે! તે રમવા માટે લાયક છે. અમને રુતુરાજ પાછા જોઈએ છે.

ગાયકવાડને છોડીને ગિલને મળી તક

ઝિમ્બાબ્વે સિરીઝમાં શુભમન ગિલને ટીમ ઈન્ડિયાનો કેપ્ટન બનાવવામાં આવ્યો હતો. ગિલની કપ્તાનીમાં ટીમ ઈન્ડિયાએ આ સિરીઝ 4-1થી જીતી હતી. રુતુરાજ ગાયકવાડે પણ આ સિરીઝમાં અદ્ભુત પ્રદર્શન કર્યું હતું. આમ છતાં ગાયકવાડની અવગણના કરવામાં આવી અને ગિલને ટી20માં તક આપવામાં આવી અને તેને વાઈસ કેપ્ટન પણ બનાવવામાં આવ્યો.

ગિલ-ગાયકવાડના આંકડા

જો ટી20ના આંકડાની વાત કરીએ તો ગાયકવાડના આંકડા ગિલ કરતા સારા છે. જ્યાં એક તરફ ગિલે 19 ઇનિંગ્સમાં 139ના સ્ટ્રાઇક રેટથી 505 રન બનાવ્યા છે, તો બીજી તરફ ગાયકવાડે 20 ઇનિંગ્સમાં 143ના સ્ટ્રાઇક રેટથી 633 રન બનાવ્યા છે. બંને બેટ્સમેનોએ ટી20 ઈન્ટરનેશનલમાં એક-એક સદી ફટકારી છે.