- પ્રથમ વનડે મેચમાં ટીમ ઈન્ડિયાને ટાઈથી સંતોષ માનવો પડ્યો
- ટીમ ઇન્ડિયાની ખરાબ બેટિંગથી નિરાશ થયો રોહિત શર્મા
- "છેલ્લી વિકેટ હતી એટલે તમે તમારા પોતાના સિગ્નેચર શોટ ના રમી શકો"
શ્રીલંકા સામે રમાયેલી પ્રથમ વનડે મેચમાં ટીમ ઈન્ડિયાને ટાઈથી સંતોષ માનવો પડ્યો હતો. પ્રથમ બેટિંગ કરતા શ્રીલંકાની ટીમે 230 રન બનાવીને ટીમ ઈન્ડિયાને 231 રનનો ટાર્ગેટ આપ્યો હતો, પરંતુ ભારતીય ટીમ 47.5 ઓવરમાં માત્ર 230 રન બનાવીને જ ઓલ આઉટ થઇ ગઇ હતી. જેના કારણે મેચ ટાઈ થઈ ગઈ હતી. જોકે ભારતીય ટીમની બોલિંગ સારી રહી હતી તથા બેટિંગમાં પણ સારી શરૂઆત કરી હતી.
ટીમ ઇન્ડિયાની બેટિંગથી નિરાશ થયો રોહિત શર્મા
ભારતની પ્રથમ વિકેટ 75 રન પર પડી હતી. આ પછી એક પછી એક વિકેટો પડતી રહી. આઠમા નંબરે બેટિંગમાં આવેલા શિવમ દુબેએ મોહમ્મદ સિરાજ સાથે કોઈક રીતે બેટિંગ કરી અને ટીમને જીતના ઉંબરે લઈ ગઈ, પરંતુ સ્કોર બરાબરી કર્યા બાદ દુબે એલબીડબલ્યુ થઈને પેવેલિયન પરત ફર્યો. આ પછી અર્શદીપ સિંહ પણ આઉટ થયો હતો. આ રીતે આ મેચ ડ્રોમાં સમાપ્ત થઈ હતી. આ મેચ ટાઈ થયા બાદ કેપ્ટન રોહિત શર્મા ભારતીય ટીમની બેટિંગથી નિરાશ જોવા મળ્યો હતો.
સારી બેટિંગની જરૂર છે: રોહિત
ભારતીય કેપ્ટન રોહિત શર્માએ કહ્યું- “લક્ષ્ય હાંસલ કરી શકાય છે, પરંતુ તેના માટે સારી બેટિંગની જરૂર છે. અમે પેચમાં સારી બેટિંગ કરી. અમારી પાસે કોઈ લય ન હતી. રોહિતે આગળ કહ્યું- અમારી શરૂઆત સારી રહી હતી, પરંતુ ખબર હતી કે જ્યારે સ્પિન આવશે ત્યારે રમત બદલાઈ જશે. અમે જાણતા હતા કે સ્પિનરો આવ્યા પછી અને 10 ઓવર પછી રમત શરૂ થશે.
1 રન ન બનાવી શકવાથી નિરાશ
આ પછી અમે સતત વિકેટ ગુમાવતા રહ્યા. રોહિતે આગળ કહ્યું- અમે અક્ષર પટેલ અને કેએલ રાહુલ વચ્ચેની ભાગીદારી દ્વારા કમબેક કર્યું, પરંતુ છેલ્લા 14 બોલમાં 1 રન ન બનાવી શકવાથી હું નિરાશ છું. હવે હું વધારે નહિ કહું. તે એવી રમત ન હતી જ્યાં તમે તમારા પોતાના સિગ્નેચર શોટ રમી શકો. તમારે ફક્ત તમારી જાતને તૈયાર કરવી પડશે અને ધીરજ રાખવી પડશે. તેમ છતાં, અમે જે રીતે લડ્યા તેના પર અમને ગર્વ છે.
પિચના પ્રશ્ન પર કહી આ વાત
પિચના સવાલ પર રોહિતે કહ્યું- આ પિચ અમે વિચારી હતી તેવી જ હતી. જ્યારે અમે બોલિંગ કરી ત્યારે અમે પ્રથમ 25 ઓવરમાં બોલ પકડી રાખ્યો હતો. તેમની પણ આવી જ સ્થિતિ હતી. જેમ જેમ રમત આગળ વધતી ગઈ તેમ તેમ બંને ટીમો માટે સીમ પાતળી થતી ગઈ. આ પછી બેટિંગ થોડી સરળ થઈ ગઈ.
શ્રીલંકાના કેપ્ટને શું કહ્યું?
શ્રીલંકાના કેપ્ટન ચરિથ અસલંકાએ પણ મેચ બાદ નિવેદન આપ્યું હતું. તેણે કહ્યું- અમને લાગ્યું કે 230 રન પૂરતા છે. અમારે વધુ સારું પ્રદર્શન કરવું જોઈતું હતું. આ પીચ પર બોલિંગ કરવું સરળ નહોતું. બપોર પછી બોલ ફરતો હતો. પછી જ્યારે લાઇટ આવી, બોલ બેટ પર સરળતાથી આવવા લાગ્યો. અસલંકાએ દુનિથ વેલાલાગે અને પથુમ નિસાન્કાની બેટિંગની પ્રશંસા કરી હતી.
ટીમ ઈન્ડિયાની ખરાબ બેટિંગ
આ મેચમાં ટીમ ઈન્ડિયાની બેટિંગ ફ્લોપ રહી હતી. શુભમન ગિલ 16 રને આઉટ થયા બાદ રોહિત 58 રન બનાવીને પેવેલિયન પરત ફર્યો હતો. વિરાટ કોહલીએ પણ 32 બોલમાં 24 રન બનાવ્યા હતા. વોશિંગ્ટન સુંદર 5, શ્રેયસ ઐયર 23, કેએલ રાહુલ 31, અક્ષર પટેલ 33 અને કુલદીપ યાદવ 2 રન બનાવીને આઉટ થયા હતા. શિવમ દુબે અંત સુધી લડ્યો. તેણે 24 બોલમાં 1 ફોર અને 2 સિક્સર ફટકારીને 25 રન બનાવ્યા હતા. મોહમ્મદ સિરાજ 11 બોલમાં 5 રન બનાવીને અણનમ રહ્યો હતો. જ્યારે અર્શદીપ સિંહ એક પણ રન બનાવ્યા વિના આઉટ થયો હતો. જો અર્શદીપે એક રન બનાવ્યો હોત તો ટીમ ઈન્ડિયા જીતી ગઈ હોત, પરંતુ એવું થઈ શક્યું નહીં.
