- ભારત અને શ્રીલંકા વચ્ચે 3 મેચની વનડે સિરીઝ શરૂ થઈ છે
- સિરીઝની પ્રથમ મેચ આર પ્રેમદાસા સ્ટેડિયમમાં રમાઈ રહી છે
- ઝેનિથે નોટઆઉટ હોવાં છતાં સ્વીકારી લીધું હતું કે તે આઉટ છે
ભારત અને શ્રીલંકા વચ્ચે પ્રથમ વનડે મેચ રમાઈ રહી છે. આ મેચ કોલંબોના આર પ્રેમદાસ સ્ટેડિયમમાં રમાઈ રહી છે. આ મેચમાં શ્રીલંકાના ઝેનિથ લિયાંગમાં ઝેનિથ લિયાંગ સચિન-ગિલક્રિસ્ટની આત્મા જોવા મળી હતી. ખેલાડી નોટઆઉટ હોવા છતાં પેવેલિયન પરત ફર્યો હતો.
ક્રિકેટના મેદાનમાંથી ઘણી વખત વિચિત્ર દ્રશ્ય સામે આવે છે. જેને જોઈને ફેન્સ પણ દંગ રહી જાય છે. આવું જ દ્રશ્ય શુક્રવારે કોલંબોમાં ભારત અને શ્રીલંકા વચ્ચેની મેચમાં જોવા મળ્યું હતું. અહીં શ્રીલંકાના એક બેટ્સમેન આઉટ થયા બાદ પણ પેવેલિયન પરત ફર્યા હતા. આ કારણે શ્રીલંકાને એવા સમયે એક વિકેટ ગુમાવવી પડી હતી જ્યારે એક સમયે એક રન બનાવવો મુશ્કેલ કામ સાબિત થઈ રહ્યું હતું.
ઝેનિથ લિયાંગ નોટઆઉટ હતો
શ્રીલંકાએ આશ્ચર્યજનક રીતે 35મી ઓવરમાં એક વિકેટ ગુમાવી દીધી હતી. અક્ષર પટેલે જ્યારે છઠ્ઠા નંબર પર આવેલા બેટ્સમેન ઝેનિથ લિયાંગને બોલ ફેંક્યો ત્યારે તેણે આગળ વધીને તેને રમવાનો પ્રયાસ કર્યો, પરંતુ તે બોલને સ્પર્શ પણ કરી શક્યો નહીં. બોલ વિકેટકીપર કેએલ રાહુલ તરફ ઉડીને તેના ગ્લોવ્ઝ સાથે અથડાયો અને સીધો રોહિત શર્મા તરફ ગયો. રોહિતે અહીં કોઈ ભૂલ ન કરી અને કેચ પકડ્યો હતો.
ઝેનિથ લિયાંગ સ્વીકારી લીધું હતું કે તે આઉટ છે
પછી જોરદાર અપીલ કરવા છતાં અમ્પાયરે તેને આઉટ ન આપ્યો, પરંતુ લિયાંગે સ્વીકારી લીધું હતું કે તે આઉટ છે, તેથી તેણે મેદાન છોડી દીધું. મેદાનની બહાર નીકળતી વખતે અમ્પાયરે પણ આંગળી ઉંચી કરીને તેને આઉટ જાહેર કર્યો હતો, પરંતુ જ્યારે થર્ડ અમ્પાયરે તેની તપાસ કરી તો જાણવા મળ્યું કે લિયાંગના બેટને બોલ અથડાયો ન હતો. જો કે જ્યારે બેટ જમીનને સ્પર્શતું ત્યારે થોડો સ્પાઇક દેખાતો હતો, પરંતુ જ્યારે બોલ બેટની નજીકથી પસાર થતો હતો ત્યારે તે તેને સ્પર્શતો ન હતો. આ દ્રશ્ય જોઈને ડગઆઉટમાં બેઠેલા શ્રીલંકન ખેલાડીઓ પણ આશ્ચર્યચકિત થઈ ગયા હતા.
