- ICCના નવા અધ્યક્ષ તરીકે જય શાહની નિમણૂક
- જય શાહ આ પદ સંભાળનાર સૌથી યુવા વ્યક્તિ છે
- તેઓ માત્ર 35 વર્ષની ઉંમરમાં ICCના અધ્યક્ષ બન્યા છે
ICCના નવા અધ્યક્ષ તરીકે જય શાહની પસંદગી કરવામાં આવી છે. ICCના સર્વોચ્ચ પદ પર કામ કરવું એ તેમના અને સમગ્ર ભારત દેશ માટે ગર્વની ક્ષણ છે. જય શાહ આ પદ સંભાળનાર સૌથી યુવા વ્યક્તિ છે. તેઓ માત્ર 35 વર્ષની ઉંમરમાં ICCના અધ્યક્ષ બન્યા છે,
પરંતુ શું તમે જાણો છો કે જય શાહ ICCના સર્વોચ્ચ પદ પર ચૂંટાયેલા પહેલા ભારતીય નથી. તેમના પહેલા આ પોસ્ટ પર અન્ય ચાર ભારતીયો કામ કરી ચૂક્યા છે. અગાઉ ICCમાં સર્વોચ્ચ પદ અધ્યક્ષનું હતું. હવે આ પદને ચેરમેનનું નામ આપવામાં આવ્યું છે. આવી સ્થિતિમાં ભારતીયો કોણ છે જેઓ ICCના અધ્યક્ષ રહી ચૂક્યા છે.
આ ભારતીયો ICC અધ્યક્ષ/ચેરમેન પદ સંભાળી ચુક્યા છે
જગમોહન દાલમિયા(1997-2000)
ભારતની ઘણી મહત્વપૂર્ણ હસ્તીઓ આ પહેલા ICCનો હવાલો સંભાળી ચૂકી છે. આમાં પહેલું નામ આવે છે જગમોહન દાલમિયાનું. જગમોહન દાલમિયા 1997માં ICCના પ્રથમ ભારતીય અધ્યક્ષ બન્યા હતા. તેઓ બંગાળના હતા અને બીસીસીઆઈના અધ્યક્ષ પણ રહી ચૂક્યા છે. તેમના કાર્યકાળ દરમિયાન ક્રિકેટમાં ઘણા ફેરફારો થયા અને આંતરરાષ્ટ્રીય ક્રિકેટમાં ભારતની ભૂમિકા મજબૂત બની.
શરદ પવાર (2010-2012)
મહારાષ્ટ્રના જાણીતા રાજકારણી શરદ પવારે પણ બે વર્ષ સુધી ICC પ્રમુખ તરીકે સેવા આપી છે. તેમના કાર્યકાળ દરમિયાન ભારતે 2011નો વર્લ્ડકપ જીત્યો હતો.
એન શ્રીનિવાસન (2014-2015)
એન શ્રીનિવાસન ICCના પ્રથમ અધ્યક્ષ બન્યા અને તેમણે 2014 થી 2015 સુધી આ પદ સંભાળ્યું. શ્રીનિવાસનના કાર્યકાળ દરમિયાન ICCએ ઘણા મોટા નિર્ણયો લીધા હતા.
શશાંક મનોહર (2015-2020)
શશાંક મનોહર ચાર વર્ષથી વધુ સમય સુધી ICC અધ્યક્ષ તરીકે સેવા આપી હતી. તેમના પછી, વર્તમાન ICC પ્રમુખ ગ્રેગ બાર્કલેએ આ પદ સંભાળ્યું હતું.
