INDvsAFG: T20 સિરીઝ માટે ટીમની થઇ જાહેરાત, યુવા ખેલાડી બન્યો કેપ્ટન

• અફઘાનિસ્તાન ટીમે સિરીઝ માટે પોતાની ટીમની જાહેરાત કરી
  
  
• અફઘાનિસ્તાન ટીમમાં ઈકરામ અલીખિલની વાપસી
• રાશિદ ખાનની વાપસીને લઈને સસ્પેન્સ

ભારત અને અફઘાનિસ્તાન વચ્ચે 11 થી 17 જાન્યુઆરી દરમિયાન ત્રણ મેચની T20 શ્રેણી રમાશે. અફઘાનિસ્તાન ટીમે શનિવારે સાંજે આ શ્રેણી માટે પોતાની ટીમની જાહેરાત કરી છે. રાશિદ ખાનને આ સિરીઝ માટે ટીમમાં પસંદ કરવામાં આવ્યો છે પરંતુ કેપ્ટન ઈબ્રાહિમ ઝદરાનને ટીમમાં સ્ટેન્ડ ઈન બનાવવામાં આવ્યો છે. અફઘાનિસ્તાનની ટીમે તેની 19 સભ્યોની ટીમ પસંદ કરી છે.

બે ખેલાડીઓની વાપસી

અફઘાનિસ્તાન ટીમમાં ઈકરામ અલીખિલની વાપસી થઈ છે. UAE સામેની છેલ્લી શ્રેણીમાં તે રિઝર્વ ખેલાડી હતો. જ્યારે મુજીબ ઉર રહેમાન છેલ્લી શ્રેણીમાં ટીમનો ભાગ ન હતો અને તેણે પણ વાપસી કરી છે. અફઘાનિસ્તાનની ટીમે તાજેતરમાં UAEમાં T20 શ્રેણી 2-1થી જીતી લીધી હતી. આ સિરીઝ માટે ભારતીય ટીમની દરેક વ્યક્તિ રાહ જોઈ રહી છે.

રાશિદ ખાનને લઈને સસ્પેન્સ

રાશિદ ખાનની વાપસીને લઈને સસ્પેન્સ છે. હવે તે T20 વર્લ્ડ કપ 2023 બાદ ટીમમાં વાપસી કરી રહ્યો છે. તાજેતરમાં તેની પીઠની સર્જરી કરવામાં આવી હતી. પરંતુ તે ટીમમાં વાપસી કરશે કે નહીં તે હજુ નક્કી થયું નથી. તેથી ઈબ્રાહિમ ઝદરાનને કેપ્ટન બનાવવામાં આવ્યો છે.

ભારત-અફઘાનિસ્તાન સિરીઝનું શિડ્યુલ

• 11 જાન્યુઆરી- 1લી T20, મોહાલી
• 14 જાન્યુઆરી- બીજી T20, ઈન્દોર
• 17 જાન્યુઆરી- 3જી T20, બેંગલુરૂ

અફઘાનિસ્તાનની પૂર્ણ સ્કવોડ

ઈબ્રાહીમ ઝદરાન (કેપ્ટન), રહેમાનુલ્લા ગુરબાઝ (વિકેટમાં), ઈબ્રાહીમ અલીખિલ (વિકેટમાં), હઝરતુલ્લાહ ઝાઝાઈ, રહમત શાહ, નજીબુલ્લાહ ઝદરાન, મોહમ્મદ નબી, કરીમ જનાત, અઝાઉલ્લાહ ઓમરઝાઈ, શરાફુદ્દી અશરફ, મુજીબ ઉર રહેમાન, ફઝલ હક ફારૂકી, ફરીદ અહેમદ, નવીન ઉલ હક, નૂર અહેમદ, મોહમ્મદ સલીમ, કૈસ અહેમદ, ગુલબદ્દીન નાયબ, રાશિદ ખાન (સસ્પેન્સ).