- ધોનીના મેદાન પર આવતા સ્ટેડિયમમાં જરૂર કરતા વધુ અવાજ
- વધારે અવાજના કારણે સ્માર્ટવોચ પર મળી વારંવારની વોર્નિંગ
- 10 મિનિટ એ અવાજ સાંભળવાથી કાન થઈ શકે છે ખરાબ
મહેન્દ્ર સિંહ ધોની જ્યારે પણ મેદાનમાં બેટિંગ કરવા આવે છે ત્યારે સ્ટેડિયમમાં હાજર હજારો ફેન્સ એક સાથે ધોની-ધોનીના નારા લગાવે છે. કોલકત્તાની સામે મેચના સમયે જોવા મળ્યું કે જ્યારે ધોની મેદાન પર આવ્યો તો બોલર આંદ્ર રસેલે પોતાના કાન બંધ કરી દીધા હતા. આ સિવાય જ્યારે હૈદરાબાદની સામે પણ ધોની બેટિંગ માટે આવ્યા તો ધોનીના નારાથી આખું સ્ટેડિયમ ગૂંજી ઉઠ્યું હતું. હવે લખનૌની સામેની મેચમાં ધોનીના આવવાના સમયે પણ આવું જ જોવા મળ્યું. આ મેચ બાદ વોર્નિંગ આપવામાં આવી છે.
ડિકૉકની પત્નીએ આપી વોર્નિંગ
લખનૌ સુપર જાયન્ટ્સને માટે રમનારા સાઉથ આફ્રિકી વિસ્ફોટક બેટ્સમેન ક્વિંટન ડિકૉકની પત્ની પણ ચેન્નઈની સામે મેચના સમયે સ્ટેડિયમમાં હાજર હતી. તેઓએ જે સ્માર્ટવોચ પહેરી હતી તેની પર વોર્નિંગ આવવા લાગી કે ઘણો વધારે અવાજ છે, તેનાથી કાનને ખતરો થઈ શકે છે. ડિકૉકની પત્ની પણ મેચ બાદ કહેવા લાગી કે જ્યારે ધોની બેટિંગ માટે આવ્યા તો આ સમયે સ્ટેડિયમમાં ઘણો અવાજ થઈ રહ્યો હતો. આ અવાજ 10 મિનિટ સુધી સાંભળી લેવામાં આવે તો કાન ખરાબ થઈ શકે છે. તેઓએ પોતે કહ્યું કે તેમણે જે ઘડિયાળ પહેરી હતી તેની પર વારંવાર વોર્નિંગ આપવામાં આવી રહી હતી.
માહીના આવતાં જ ફેન્સ કેમ કરે છે બૂમાબૂમ
ધોનીનો ક્રેઝ આઈપીએલ 2024માં વધારે જોવા મળી રહ્યો છે. આ પહેલા સ્ટેડિયમમાં આટલો અવાજ જોવા મળતો ન હતો. આ વખતે ફેન્સ ક્રેઝી બન્યા છે. તેનું એક કારણ એ પણ હોઈ શકે છે કે આ સીઝન માહીને માટે આઈપીએલની છેલ્લી સીઝન હોઈ શકે છે. ધોનીએ પહેલા કેપ્ટનશીપ છોડી છે અને હવે આશા રાખવામાં આવી રહી છે કે માહી હવે આઈપીએલથી પણ સંન્યાસ લઈ શકે છે. તેના કારણે તેઓએ કેપ્ટનશીપ છોડી દીધી છે. એવામાં ફેન્સને ખ્યાલ છે કે તેમની પાસે માહીની કેટલીક મેચ જ બાકી છે. જ્યારે માહીને બેટિંગ કરતા જોવા અને તેને ચીયર કરવા માટે જ કેટલાક ફેન્સ આવે છે. આ કારણ છે કે જ્યારે માહી મેદાન પર આવે છે તો ફેન્સ માહીના નામની બૂમો પાડવાનું શરૂ કરે છે.
