- IPL 2024માં આજે દિલ્હી કેપિટલ્સ અને કોલકાતા નાઈટ રાઈડર્સ રમશે
- દિલ્હી અને કોલકાતા વચ્ચે IPLમાં અત્યાર સુધી 32 મેચ રમાઈ
- દિલ્હી-કોલકાતાની મેચ તમે અહીં જોઇ શકશો લાઇવ
IPL 2024 ની 16મી મેચ આજે દિલ્હી કેપિટલ્સ અને કોલકાતા નાઈટ રાઈડર્સ વચ્ચે રમાશે. રિષભ પંતની ટીમની નજર વિશાખાપટ્ટનમમાં રમાનારી મેચમાં બીજી જીત નોંધાવવા પર રહેશે. તે જ સમયે, KKR તેની ત્રીજી જીત મેળવીને જીતનો સિલસિલો જાળવી રાખવા માંગશે. આ મેચમાં બંને ટીમો વચ્ચે જોરદાર ટક્કર થશે.
દિલ્હી અને કોલકાતા વચ્ચે IPLમાં અત્યાર સુધી 32 મેચ રમાઈ છે. તેમાંથી દિલ્હીએ 15 મેચ જીતી છે જ્યારે કોલકાતા 16 મેચ સાથે ઉપર છે. તે જ સમયે, એક મેચ અનિર્ણિત રહી હતી. હવે જોવાનું એ રહે છે કે આજની મેચમાં દિલ્હી આ અંતર ઘટાડવામાં સફળ થાય છે કે નહીં. કોલકાતા નાઈટ રાઈડર્સ અને દિલ્હી કેપિટલ્સ વચ્ચે લીગની 16મી મેચ ડૉ. Y.S. રાજશેખર રેડ્ડી ACA-VDCA ઈન્ટરનેશનલ ક્રિકેટ સ્ટેડિયમ, વિશાખાપટ્ટનમ ખાતે રમાશે.
કઈ ટીવી ચેનલ પર મેચ ટેલિકાસ્ટ થશે?
ઈન્ડિયન પ્રીમિયર લીગના પ્રસારણના અધિકારો સ્ટાર સ્પોર્ટ્સ પાસે છે. અંગ્રેજીમાં લાઈવ કોમેન્ટ્રી Star Sports 1 HD/SD પર ઉપલબ્ધ થશે અને હિન્દી કોમેન્ટ્રી Star Sports હિન્દી HD/SD પર ઉપલબ્ધ થશે. હિન્દી અને અંગ્રેજી ઉપરાંત સ્ટાર સ્પોર્ટ્સ ચેનલ બંગાળી, કન્નડ, તેલુગુ અને તમિલ સહિત અન્ય ભાષાઓમાં લાઈવ કોમેન્ટ્રી પ્રદાન કરશે.
આ રીતે જોઇ શકશો લાઇવ
આ મેચનું લાઈવ સ્ટ્રીમિંગ ભારતમાં Jio સિનેમા એપ પર જોઈ શકાશે. આ સિવાય તમે sandesh.com પર મેચ સંબંધિત સમાચાર, લાઈવ અપડેટ્સ અને રેકોર્ડ્સ પણ વાંચી શકો છો.
બંને ટીમોની સંભવિત પ્લેઇંગ 11
દિલ્હી કેપિટલ્સ: પૃથ્વી શો, ડેવિડ વોર્નર, રિષભ પંત (c/wk), મિશેલ માર્શ, જેક ફ્રેઝર-મેકગર્ક, અક્ષર પટેલ, અભિષેક પોરેલ, એનરિક નોર્કિયા, ઈશાંત શર્મા, મુકેશ કુમાર, ખલીલ અહેમદ.
કોલકાતા નાઈટ રાઈડર્સઃ ફિલ સોલ્ટ (wk), સુનીલ નારાયણ, વેંકટેશ ઐયર, શ્રેયસ ઐયર (c), રિંકુ સિંહ, આન્દ્રે રસેલ, રમનદીપ સિંહ, મિચેલ સ્ટાર્ક, હર્ષિત રાણા, વરૂણ ચક્રવર્તી, વૈભવ અરોરા.
