- પંજાબ કિંગ્સનો મુંબઈ સામે 9 રનથી પરાજય
- આ મેચમાં આકાશ મધવાલે હાર્દિકની કરી અવગણના
- મધવાલે હાર્દિકની નહીં પણ રોહિત પાસે લીધી સલાહ
IPL 2024માં 33મી મેચ પંજાબ કિંગ્સ અને મુંબઈ ઈન્ડિયન્સ વચ્ચે રમાઈ હતી. મુંબઈએ આ મેચ 9 રને જીતી લીધી હતી. ટીમનો કેપ્ટન હાર્દિક પંડ્યા પણ સિઝનની ત્રીજી જીત મેળવ્યા બાદ ઘણો ખુશ દેખાઈ રહ્યો હતો. તે જ સમયે, ચાહકોનું માનવું છે કે ટીમના કેટલાક ખેલાડીઓ હજુ પણ પંડ્યાથી નાખુશ દેખાય છે. જેનું એક દ્રશ્ય મેચ દરમિયાન જોવા મળ્યું હતું. જેનો એક વીડિયો સોશિયલ મીડિયા પર ખૂબ જ ઝડપથી વાયરલ થઈ રહ્યો છે.
આ બોલરે હાર્દિકની કરી અવગણના
જ્યારે આકાશ મધવાલ મુંબઈ ઈન્ડિયન્સ માટે બોલિંગ કરી રહ્યો હતો ત્યારે તેણે રોહિત શર્મા પાસેથી ફિલ્ડિંગ બદલવાની સલાહ લીધી હતી. આ દરમિયાન કેપ્ટન હાર્દિક પંડ્યા પણ ત્યાં આવ્યો હતો પરંતુ આકાશે તેની તરફ જોયું પણ ન હતું, તેના બદલે આકાશ રોહિત સાથે ફિલ્ડિંગ વિશે વાત કરતો જોવા મળ્યો હતો. જો કે હાર્દિક પણ આકાશ સાથે બોલતો જોવા મળ્યો હતો, પરંતુ બોલરે તેના કેપ્ટન તરફ જોયું પણ નહોતું. મેચ દરમિયાનનો આ વીડિયો સોશિયલ મીડિયા પર ખૂબ જ ઝડપથી વાયરલ થઈ રહ્યો છે. હવે ચાહકો પણ આ વીડિયો પર અલગ-અલગ કોમેન્ટ કરી રહ્યા છે.
મુંબઈને સિઝનની ત્રીજી જીત
પંજાબ અને મુંબઈ વચ્ચેની આ મેચ મુલ્લાનપુર સ્ટેડિયમમાં રમાઈ હતી. આ મેચમાં પ્રથમ બેટિંગ કરતા મુંબઈ ઈન્ડિયન્સે 20 ઓવરમાં 7 વિકેટ ગુમાવીને 192 રન બનાવ્યા હતા. મેચમાં મુંબઈ તરફથી બેટિંગ કરતા સૂર્યકુમાર યાદવે સૌથી વધુ 78 રનની ઇનિંગ રમી હતી. સૂર્યકુમાર યાદવે પોતાની ઇનિંગ દરમિયાન 7 ફોર અને 3 સિક્સર ફટકારી હતી. આ સિવાય રોહિત શર્માએ 36 રનની ઇનિંગ રમી હતી. 193 રનના લક્ષ્યનો પીછો કરવા ઉતરેલી પંજાબ કિંગ્સ ટીમ 19.1 ઓવરમાં 183 રનમાં ઓલઆઉટ થઈ ગઈ હતી. ફરી એકવાર પંજાબનો ટોપ બેટિંગ ઓર્ડર ફ્લોપ સાબિત થયો. પંજાબ તરફથી બેટિંગ કરતા આશુતોષ શર્માએ સૌથી વધુ 61 રનની ઇનિંગ રમી હતી. પોતાની ઇનિંગ દરમિયાન આશુતોષે 2 ફોર અને 7 શાનદાર સિક્સર ફટકારી હતી. મુંબઈ ઈન્ડિયન્સ તરફથી બોલિંગ કરતી વખતે જસપ્રિત બુમરાહ અને ગેરાલ્ડ કોએત્ઝીએ 3-3 વિકેટ લીધી હતી.
