RCB vs CSK: લાલ-પીળા રંગમાં રંગાયા બેંગલુરુના રસ્તા, ચાહકોમાં મેચનો જબરદસ્ત ક્રેઝ

• રોયલ ચેલેન્જર્સ બેંગલુરુ અને ચેન્નાઈ સુપર કિંગ્સ વચ્ચે મેચ
  
• બેંગલુરુના એમ ચિન્નાસ્વામી ક્રિકેટ સ્ટેડિયમમાં રમાશે મેચ
• આ સિઝનની સૌથી મોટી મેચ રમાવા જઈ રહી છે

બેંગલુરુના ચિન્નાસ્વામી સ્ટેડિયમમાં શનિવારે રોયલ ચેલેન્જર્સ બેંગ્લોર અને ચેન્નાઈ સુપર કિંગ્સ વચ્ચે આ સિઝનની સૌથી મોટી મેચ રમાવા જઈ રહી છે. આ મેચ સાથે IPLની આ સિઝનમાં પ્લેઓફની ચોથી ટીમ ફાઇનલિસ્ટ બની જશે. વિરાટ કોહલી અને એમએસ ધોની જેવા મોટા સ્ટાર ખેલાડીઓ ધરાવતી બંને ટીમોના ચાહકોમાં આ મેચનો ભારે ક્રેઝ છે. સ્થિતિ એવી છે કે બેંગલુરુના રસ્તાઓ જામ થઈ ગયા છે.

રસ્તાઓ લાલ અને પીળા રંગમાં રંગાયા

જ્યાં એક તરફ રસ્તાઓ RCBના રંગથી લાલ છે, તો બીજી તરફ CSKના પીળા રંગથી ઢંકાયેલા છે. ફેન્સના કેટલાક વીડિયો સામે આવ્યા છે. જેમાં ફેન્સનો જબરદસ્ત ક્રેઝ જોવા મળી રહ્યો છે. ચાહકોની ભીડ નેતાઓની રેલી જેવી લાગે છે.

આ મેચને લઈને ઘણા વીડિયો સોશિયલ મીડિયા પર વાયરલ થઈ રહ્યા છે. જેમાં રસ્તાઓ પર મોટરસાઇકલ પર ચાહકો જોઇ શકાય છે. કેટલાક ચાહકો તેમના મનપસંદ સ્ટારની એક ઝલક મેળવવા માટે લાઈનમાં ઉભા પણ જોવા મળે છે.

રસ્તાઓ થયા જામ

વીડિયોમાં જોઈ શકાય છે કે મેચ RCBના હોમ ગ્રાઉન્ડ બેંગલુરુમાં હોવા છતાં ચેન્નાઈ સુપર કિંગ્સના ચાહકો પણ મોટી સંખ્યામાં અહીં પહોંચ્યા છે. જેના કારણે બેંગલુરુના રસ્તાઓ પર જામ થઈ ગયો છે.