રોહિત શર્મા બન્યો બસ ડ્રાઈવર, સોશિયલ મીડિયા પર વીડિયો વાયરલ

• રોહિતનો વીડિયો સોશિયલ મીડિયા પર વાયરલ
  
• રોહિત શર્મા મુંબઈની સ્ટાફ બસનો બન્યો ડ્રાઈવર
• મુંબઈ તેની આગામી મેચ ચેન્નાઈ સુપર કિંગ્સ સામે રમશે

મુંબઈ ઈન્ડિયન્સના ભૂતપૂર્વ કેપ્ટન રોહિત શર્મા સોશિયલ મીડિયા પર તેના કેટલાક ફની ઓડિયો કે વીડિયોના કારણે અવારનવાર સમાચારમાં રહે છે. મેદાનમાંથી રોહિતના ઘણા ફની વીડિયો પણ વાયરલ થતા રહે છે. આ દિવસોમાં રોહિત શર્મા IPL 2024માં ધૂમ મચાવી રહ્યો છે. ઈશાન કિશનની સાથે ઓપનિંગમાં આવતા રોહિત વિપક્ષી બોલરોની ખૂબ જ ધોલાઈ કરે છે. મુંબઈ ઈન્ડિયન્સની આગામી મેચ વાનખેડે સ્ટેડિયમમાં ચેન્નાઈ સુપર કિંગ્સ સાથે થવાની છે. રોહિત ફરી એકવાર આ મોટી મેચમાં રમતા જોવા મળશે. આ પહેલા રોહિત શર્માનો એક વીડિયો સોશિયલ મીડિયા પર ખૂબ જ ઝડપથી વાયરલ થઈ રહ્યો છે.

રોહિત બન્યો બસ ડ્રાઈવર

રોહિત શર્માનો એક વીડિયો સોશિયલ મીડિયા પર ખૂબ જ ઝડપથી વાયરલ થઈ રહ્યો છે. વાસ્તવમાં મુંબઈ ઈન્ડિયન્સની ટીમની બસ મેદાન તરફ રવાના થઈ રહી હતી. જેમાં ટીમના તમામ ખેલાડીઓ અને સ્ટાફ હાજર રહ્યો હતો. ત્યારબાદ રોહિત શર્મા આવીને ડ્રાઈવરની સીટ પર બેસી જાય છે. આ દરમિયાન રોહિત બધાને આવવા અને બેસવા માટે ઈશારો કરતો જોવા મળે છે. આ સમય દરમિયાન, દરેક વ્યક્તિ રોહિતની આ ફની સ્ટાઈલને પોતપોતાના કેમેરામાં કેદ કરવા લાગે છે.

મુંબઈ ઈન્ડિયન્સની વાપસી

મુંબઈ ઈન્ડિયન્સની કપ્તાની હવે રોહિત શર્માના હાથમાં નહીં પરંતુ હાર્દિક પંડ્યાના હાથમાં છે. મુંબઈ શરૂઆતમાં સતત ત્રણ હાર બાદ હવે મુંબઈની ટીમ ફરી જીતના પાટા પર આવી ગઈ છે. મુંબઈએ પહેલા આરસીબી અને પછી દિલ્હી કેપિટલ્સને હરાવ્યું હતું. હવે મુંબઈની ટીમ ચેન્નાઈ સુપર કિંગ્સ સાથે ટક્કર માટે તૈયાર છે.