- રાજસ્થાન રોયલ્સ અને RCB વચ્ચે રમાશે મેચ
- જયપુરના સવાઈ માનસિંહ સ્ટેડિયમમાં રમાશે મેચ
- વિરાટ કોહલીએ IPLમાં 7500 રન પૂરા કર્યા
આજે IPL 2024ની 19મી મેચમાં રોયલ ચેલેન્જર્સ બેંગ્લોરનો સામનો રાજસ્થાન રોયલ્સ સામે થઈ રહ્યો છે. જયપુરના સવાઈ માનસિંહ સ્ટેડિયમમાં રમાઈ રહેલી આ મેચમાં વિરાટ કોહલીએ ઈતિહાસ રચ્યો હતો. ટોસ હાર્યા બાદ પ્રથમ બેટિંગ કરવા આવેલી વિરાટ કોહલીએ 34 રન બનાવીને IPLમાં 7500 રન પૂરા કર્યા હતા. લીગમાં આ સિદ્ધિ મેળવનાર તે પ્રથમ બેટ્સમેન બની ગયો છે.
આ મેચમાં સમાચાર લખાય છે ત્યા સુધી વિરાટ કોહલી 40 બોલમાં 131.71ની સ્ટ્રાઈક રેટથી 4 ફોર 3 સિકસરની મદદથી 52 રન બનાવીને ક્રિઝ પર છે. વિરાટે આ ફિફ્ટી સાથે IPLમાં 53મી અને T20 ક્રિકેટમાં 94મી ફિફ્ટી પુરી કરી છે.
વિરાટે IPLમાં સૌથી વધુ રન બનાવ્યા
વિરાટ કોહલી IPLમાં અત્યાર સુધી 242* મેચ રમી ચૂક્યો છે. આ સમયગાળા દરમિયાન, તેણે 234 ઇનિંગ્સમાં 38ની એવરેજ અને 130ની સ્ટ્રાઇક રેટથી 7500* રન બનાવ્યા છે. લીગમાં વિરાટ કોહલીએ 53 ફિફ્ટીની સાથે 7 સદી ફટકારી છે. તે IPL ઇતિહાસમાં સૌથી વધુ રન બનાવનાર ખેલાડી છે. તેમના સિવાય શિખર ધવને અત્યાર સુધીમાં 6755 રન, ડેવિડ વોર્નરે 6545 રન, રોહિત શર્માએ 6280 રન અને સુરેશ રૈનાએ 5528 રન બનાવ્યા છે.
IPLમાં સૌથી વધુ રન બનાવનાર બેટ્સમેન
- વિરાટ કોહલી: 7500* રન
- શિખર ધવનઃ 6755 રન
- ડેવિડ વોર્નર: 6545 રન
- રોહિત શર્માઃ 6280 રન
- સુરેશ રૈના: 5528 રન
IPL 2024માં પાવરપ્લેમાં સૌથી વધુ રન બનાવનાર ખેલાડી
- 121 - વિરાટ કોહલી (SR: 140.69)
- 105 - ડેવિડ વોર્નર (SR: 161.53)
- 101 - ટ્રેવિસ હેડ (SR: 210.41)
- 101 - સુનીલ નારાયણ (SR: 224.44)
- 91 - અભિષેક શર્મા (SR: 245.94)
- 91 - રચિન રવિન્દ્ર (SR: 168.51)
આઈપીએલમાં સૌથી વધુ 100 થી વધુની ભાગીદારીમાં સામેલ બેટ્સમેન (કોઈપણ વિકેટ)
- 28 - વિરાટ કોહલી
- 26 - ડેવિડ વોર્નર
- 21 - શિખર ધવન
- 20 - ક્રિસ ગેલ
- 19 - ફાફ ડુ પ્લેસિસ
- 17 - એબી ડી વિલિયર્સ
IPLમાં સૌથી વધુ 100થી વધુની ભાગીદારી (કોઈપણ વિકેટ)
- 10 - વિરાટ કોહલી અને એબી ડી વિલિયર્સ
- 9 - વિરાટ કોહલી અને ક્રિસ ગેલ
- 6 - ડેવિડ વોર્નર અને શિખર ધવન
- 6 - વિરાટ કોહલી અને ફાફ ડુ પ્લેસિસ
IPL 2024માં વિરાટનું પ્રદર્શન
IPL 2024માં વિરાટ કોહલીના આજ સુધીના પ્રદર્શનની વાત કરીએ તો તેણે 4 મેચમાં 67.67ની એવરેજ અને 140.97ની સ્ટ્રાઈક રેટથી 203 રન બનાવ્યા છે. આ દરમિયાન વિરાટ કોહલીએ 2 ફિફ્ટી ફટકારી હતી. IPL 2024ની પ્રથમ મેચમાં વિરાટે ચેન્નાઈ સુપર કિંગ્સ સામે 20 બોલમાં 21 રનની ઇનિંગ રમી હતી. આ પછી પંજાબ કિંગ્સ સામેની બીજી મેચમાં કોહલીએ 49 બોલમાં 77 રન બનાવ્યા હતા. આ સિવાય વિરાટે કોલકાતા નાઈટ રાઈડર્સ સામે માત્ર 59 બોલમાં અણનમ 83 રન બનાવ્યા હતા. જ્યારે લખનૌ સુપર જાયન્ટ્સ સામે વિરાટે 22 રન બનાવ્યા હતા.
