- IPL 2024ની શરૂઆત 22 માર્ચથી થશે
- પ્રથમ મેચ ચેન્નઈ અને બેંગલોર વચ્ચે રમાશે
- ચેન્નઈના એમ ચિદમ્બરમ સ્ટેડિયમમાં મેચ
ભારતમાં IPL 2024 શરૂ થવામાં બહુ ઓછો સમય બાકી છે. 22 માર્ચે ડિફેન્ડિંગ ચેમ્પિયન ચેન્નાઈ સુપર કિંગ્સનો મુકાબલો રોયલ ચેલેન્જર્સ બેંગ્લોર સાથે થશે. આ મેચ યલો આર્મીના હોમ ગ્રાઉન્ડ ચેપોક સ્ટેડિયમમાં રમાશે, પરંતુ તે પહેલા CSK ટીમ માટે એક મોટા સારા સમાચાર આવ્યા છે. ચેન્નાઈ સુપર કિંગ્સનો સ્ટાર ઓલરાઉન્ડર રોયલ ચેલેન્જર્સ બેંગ્લોર સામેની સિઝનની પ્રથમ મેચ પહેલા ફોર્મમાં પાછો ફર્યો છે. જે બાદ CSKના ફેન્સ તેમજ કેપ્ટન મહેન્દ્ર સિંહ ધોની ખૂબ જ ખુશ દેખાઈ રહ્યા છે.
રણજી ટ્રોફીમાં શાનદાર પ્રદર્શન
IPL 2024 પહેલા, રણજી ટ્રોફી 2024ની ફાઈનલ મુંબઈના વાનખેડે સ્ટેડિયમમાં મુંબઈ વિરુદ્ધ વિદર્ભ વચ્ચે રમાઈ રહી છે. ફાઈનલ મેચમાં મુંબઈ તરફથી શાર્દુલ ઠાકુર 8મા નંબર પર બેટિંગ કરવા આવ્યો હતો. જે બાદ તેણે 69 બોલમાં 75 રનની ઇનિંગ રમી હતી. ઠાકુરની આ ઇનિંગમાં 8 ફોર અને 3 સિક્સ સામેલ હતી. આ પહેલા શાર્દુલ ઠાકુરે સેમીફાઈનલ મેચમાં સદી ફટકારી હતી. શાર્દુલ ઠાકુરનું ફોર્મ જોયા બાદ ચેન્નાઈ સુપર કિંગ્સના ચાહકો ખૂબ જ ખુશ દેખાઈ રહ્યા છે.
ખરેખર, IPL 2024ની હરાજીમાં CSKએ શાર્દુલ ઠાકુરને 4 કરોડ રૂપિયામાં ખરીદ્યો હતો. તે 2018 થી 2021 વચ્ચે CSK માટે રમ્યો છે. જ્યારે 2022માં દિલ્હી કેપિટલ્સ અને 2023માં કોલકાતા નાઈટ રાઈડર્સ તરફથી રમ્યા બાદ તેને ફરી એકવાર 2024ની હરાજીમાં યલો આર્મીનો ભાગ બનાવવામાં આવ્યો હતો.
CSKના ચાહકો ખુશ
ઓલરાઉન્ડર ફોર્મમાં પરત ફર્યા બાદ CSKના ચાહકો ખુશ દેખાઈ રહ્યા છે. શાર્દુલ ઠાકુર IPL 2023માં ન તો બેટથી કે બોલિંગમાં કમાલ કરી શક્યો ન હતો. આ જોઈને કોલકાતા નાઈટ રાઈડર્સે તેને રીલીઝ કરી દીધો, પરંતુ 17મી સીઝનની શરૂઆત પહેલા શાર્દુલ ઠાકુર ફોર્મમાં પરત ફર્યા બાદ CSKના ચાહકો ખૂબ જ ખુશ દેખાઈ રહ્યા છે. શાર્દુલ ઠાકુર ફોર્મમાં પાછા ફરવાથી ચાહકો ખૂબ જ ખુશ છે. ચાહકોને આશા હશે કે ઠાકુર IPL 2024માં પોતાનું ફોર્મ ચાલુ રાખશે અને CSKને છઠ્ઠા ટાઇટલ સુધી પહોંચાડશે.
શાર્દુલ ઠાકુરની IPL કારકિર્દી
શાર્દુલ ઠાકુરે 2018માં ચેન્નાઈ સુપર કિંગ્સ ટીમ માટે ડેબ્યૂ કર્યું હતું. ત્યારથી, તે 2022 માં દિલ્હી કેપિટલ્સ અને 2023 માં KKR માટે રમ્યો છે. આ અનુભવી ખેલાડી અત્યાર સુધીમાં 86 IPL મેચ રમી ચૂક્યો છે. જેમાં તેણે 286 રન બનાવ્યા છે. IPLમાં ઠાકુરના નામે પણ ફિફ્ટી છે. જ્યારે આટલી જ મેચોમાં તેણે 89 વિકેટ ઝડપી છે. શાર્દુલ ઠાકુરે IPLમાં અત્યાર સુધીમાં 28 કેચ પકડ્યા છે.
