- મેચ પહેલાની આ 3 ઘટનાઓએ હાર્દિક પંડયા અને KLરાહુલની મુશ્કેલી વધારી
- પ્રથમ મેચમાં લખનઉ સુપર જાયન્ટસનો સામનો રાજસ્થાન રોયલ્સ સામે થશે.
- બીજી મેચમાં MIની ટીમ GIના ગઢ પર વિજય મેળવવાનો પ્રયાસ કરશે
IPL 2024નો પ્રથમ સુપર સન્ડે અને મેચોના ડબલ રોમાંચનો બીજો દિવસ. IPL પિચ પર, પ્રથમ KL રાહુલની આગેવાની હેઠળની લખનૌ સુપર જાયન્ટ્સનો સામનો સંજુ સેમસનની રાજસ્થાન રોયલ્સ સામે થશે. આ મેચ જયપુરમાં રમાશે. બીજી મેચમાં મુંબઈ ઈન્ડિયન્સની કમાન સંભાળનાર હાર્દિક પંડયા તેની અગાઉની ટીમ ગુજરાત ટાઈટન્સ સામે ટકરાશે. આ મેચ અમદાવાદમાં યોજાશે. સ્વાભાવિક રીતે દિવસ રવિવારનો છે તેથી બંને મેચનો પૂરો આનંદ લેવો જરૂરી છે. પરંતુ, જો તમે મુંબઈ કે લખનઉના ચાહક છો તો સમાચાર સારા નથી. આ ટીમોને પણ નિરાશાનો સામનો કરવો પડી શકે છે. અને અમે નહીં પરંતુ મેચ પહેલા બનેલી ત્રણ ઘટનાઓએ આ તરફ ઈશારો કર્યો છે.આનો અર્થ એ થયો કે શુભમન ગીલની કેપ્ટન્સી હેઠળની ગુજરાત ટાઇટન્સ અને સંજુ સેમસનની કમાન હેઠળની રાજસ્થાન રોયલ્સ ટીમો જીત સાથે પોતાનું ખાતું ખોલતી જોવા મળી શકે છે. હવે તમે પૂછશો કે કેવી રીતે? મેચ પહેલા બનેલી તે 3 ઘટનાઓ કઈ હતી, જે ગિલ અને સેમસનની ટીમની જીત સુનિશ્ચિત કરતી હતી. તો આ ત્રણ ઘટના IPL 2024ની પ્રથમ 3 મેચો સાથે સંબંધિત છે.
શુભમન ગિલ અને સંજુ સેમસનની જીત કેમ નિશ્ચિત
આ IPLમાં અત્યાર સુધી રમાયેલી 3 મેચમાં જે ટીમ યજમાન રહી છે તે જીતી છે. મતલબ કે મુલાકાતી ટીમ પર યજમાનોનો દબદબો રહ્યો છે. હવે જો સુપર સન્ડે મેચોમાં પણ આ ટ્રેન્ડ ચાલુ રહે તો IPL પિચ પર સુકાની તરીકે શુભમન ગિલની પ્રથમ જીત નિશ્ચિત છે. તે પહેલા સંજુ સેમસનની ટીમ પણ પોતાના હોમ ગ્રાઉન્ડ પર જીતતી જોવા મળી શકે છે.
સુપર સન્ડે પહેલા 3 ઘટનાઓ
IPL 2024ની પ્રથમ મેચમાં CSKએ RCBને હરાવ્યું હતું. આ મેચ ચેન્નાઈના ચેપોક મેદાન પર રમાઈ હતી જે પીળી જર્સીવાળી ટીમનું હોમ ગ્રાઉન્ડ છે. આ પછી, બીજી મેચમાં પંજાબ કિંગ્સે દિલ્હી કેપિટલ્સને હરાવ્યું. આ મેચ પંજાબના નવા હોમ ગ્રાઉન્ડ મુલ્લાનપુરમાં બનેલા સ્ટેડિયમમાં રમાઈ હતી. ત્રીજી મેચ કોલકાતા નાઈટ રાઈડર્સે પોતાના હોમ ગ્રાઉન્ડ ઈડન ગાર્ડન્સ પર સનરાઈઝર્સ હૈદરાબાદને હરાવીને જીતી હતી.
હાર્દિક અને રાહુલની મુસીબતો વધશે
IPL 2024ના પ્રથમ સુપર સન્ડેની પ્રથમ મેચમાં રાજસ્થાન રોયલ્સે જયપુરમાં તેમના હોમ ગ્રાઉન્ડ સવાઈ માન સિંહ સ્ટેડિયમમાં લખનૌ સુપર જાયન્ટસ સામે રમવાનું છે. બીજી મેચ અમદાવાદના નરેન્દ્ર મોદી સ્ટેડિયમમાં રમાશે, જે ગુજરાત ટાઇટન્સનું હોમ ગ્રાઉન્ડ હશે. અહીં તેને મુંબઈ ઈન્ડિયન્સ સામે રમવાનું છે. દેખીતી રીતે, જો છેલ્લી 3 મેચમાં જોવા મળેલો ટ્રેન્ડ એ જ રહેશે તો મુંબઈના કેપ્ટન હાર્દિક પંડયા અને લખનૌના કેપ્ટન KL રાહુલની મુશ્કેલીઓ ચોક્કસ વધી જશે.
