- નીતિશ કુમાર રેડ્ડીએ IPL 2024માં શાનદાર પ્રદર્શન કર્યું
- સનરાઈઝર્સ હૈદરાબાદ અને લખનૌ સુપર જાયન્ટસ વચ્ચે મેચ
- નીતિશ કુમાર રેડ્ડી ક્વિન્ટન ડી કોકનો શાનદાર કેચ પકડ્યો
સનરાઈઝર્સ હૈદરાબાદના ખેલાડી નીતિશ કુમાર રેડ્ડીએ IPLની આ સિઝનમાં તેના પ્રદર્શનથી બધાને ખૂબ પ્રભાવિત કર્યા છે. જ્યાં એક તરફ તેણે બેટિંગમાં કમાલ કરી છે તો બીજી તરફ તે ફિલ્ડિંગમાં પણ શાનદાર દેખાઈ રહ્યો છે. બુધવારે હૈદરાબાદ સ્ટેડિયમમાં લખનૌ સુપર જાયન્ટ્સ સામે રમાયેલી મેચમાં નીતિશ રેડ્ડીએ શાનદાર કેચ લઈને દર્શકોને વખાણ કરવા માટે મજબૂર કરી દીધા હતા.
નીતિશે લગાવી છલાંગ
આ ઘટના ત્રીજી ઓવરમાં જ જોવા મળી હતી. જ્યારે ભુવનેશ્વર કુમારે LSG ઓપનર ક્વિન્ટન ડી કોકને પહેલો બોલ ફેંક્યો ત્યારે તેણે તેના મનપસંદ પિકઅપ શોટ વડે તેને ડીપ બેકવર્ડ સ્ક્વેર લેગ તરફ રમ્યો હતો. બોલને હવામાં જોઈને ડીપ ફિલ્ડર નીતિશ કુમાર રેડ્ડીએ ઊંચો કૂદકો માર્યો અને તેને બંને હાથ વડે પકડવાનો પ્રયાસ કર્યો.
નીતિશે શાનદાર કેચ પકડ્યો
જ્યારે તે નીચે આવ્યો ત્યારે તેનું સંતુલન બગડવા લાગ્યું, તેનો પગ પણ બાઉન્ડ્રી લાઈન નજીક ગયો, પરંતુ ડહાપણ બતાવતા તેણે તરત જ બોલને બહાર ફેંકી દીધો. ત્યારબાદ તે પોતે બાઉન્ડ્રીની બહારથી અંદર આવ્યો અને શાનદાર કેચ પકડ્યો. નીતિશ કુમાર રેડ્ડીનો કેચ એવા સમયે ચર્ચામાં આવ્યો છે જ્યારે સંજુ સેમસનની વિકેટ અને શાઈ હોપના કેચને લઈને વિવાદ ચાલી રહ્યો છે.
નીતિશ રેડ્ડીનું શાનદાર પ્રદર્શન
નીતિશ કુમાર રેડ્ડીએ આ સિઝનમાં પોતાની બેટિંગથી પ્રભાવિત કર્યા છે. નીતિશે 8 મેચમાં 239 રન બનાવ્યા છે. તેની એવરેજ 47.80 છે. જ્યારે સ્ટ્રાઈક રેટ 150થી ઉપર છે. જેમાં બે ફિફ્ટીનો પણ સમાવેશ થાય છે.
