સનરાઇઝર્સ હૈદરાબાદે બદલ્યો કેપ્ટન, આ સ્ટાર ખેલાડીને મળી જવાબદારી

• IPL 2024 પહેલા SRHએ કેપ્ટન બદલ્યો
  
• ઓસ્ટ્રેલિયાના પેટ કમિન્સ કેપ્ટન બનાવ્યો
• એડન માર્કરામ પાસેથી જવાબદારી છીનવી 

IPL 2024 પહેલા સનરાઈઝર્સ હૈદરાબાદ ફેન્સ માટે મોટા સમાચાર આવી રહ્યા છે. IPL 2024 પહેલાથી જ રોહિત શર્મા પાસેથી સુકાનીપદ છીનવીને અને હાર્દિક પંડ્યાને સુકાની સોંપવાનો મુદ્દો ચર્ચામાં છે. હવે સનરાઇઝર્સ હૈદરાબાદે પણ પોતાનો કેપ્ટન બદલ્યો છે. IPL વિજેતા ટીમે ગયા વર્ષે ટીમની કેપ્ટનશિપ કરનાર ખેલાડી એડન માર્કરામ પાસેથી જવાબદારી છીનવી લીધી છે અને આ જવાબદારી નવા ખેલાડીને સોંપી છે. આવો તમને જણાવીએ કે હૈદરાબાદે ક્યા ખેલાડીને કેપ્ટન બનાવ્યો છે.

આ સ્ટારને કેપ્ટનશીપ મળી

IPL 2016ની વિજેતા ટીમ સનરાઈઝર્સ હૈદરાબાદે પોતાનો કેપ્ટન બદલ્યો છે. IPL 2023માં આ ટીમની કપ્તાની દક્ષિણ આફ્રિકાના ખેલાડી એડન માર્કરામે કરી હતી. પરંતુ હવે આ ખેલાડી પાસેથી આ જવાબદારી પરત લેવામાં આવી છે અને ઓસ્ટ્રેલિયાના દિગ્ગજ ખેલાડી પેટ કમિન્સને નવો કેપ્ટન બનાવવામાં આવ્યો છે. IPL 2024ની હરાજીમાં હૈદરાબાદે 20.5 કરોડ રૂપિયાની મોટી રકમ ચૂકવીને કમિન્સને પોતાની ટીમમાં સામેલ કર્યો હતો. હવે આ ખેલાડીને ટીમનો કેપ્ટન બનાવવામાં આવ્યો છે. ઓસ્ટ્રેલિયાએ પેટ કમિન્સની કપ્તાનીમાં વર્લ્ડ ટેસ્ટ ચેમ્પિયનશિપ અને ICC વર્લ્ડકપ 2023 પણ જીત્યો હતો. આ કારણે હૈદરાબાદે પણ આ ખેલાડી પર વિશ્વાસ વ્યક્ત કર્યો છે અને તેને સૌથી મોટી જવાબદારી સોંપી છે.

ફ્રેન્ચાઇઝીએ આ ખેલાડી પર મોટો દાવ રમ્યો

સનરાઇઝર્સે હરાજીમાં કમિન્સ પર મોટો દાવ રમ્યો હતો. ફ્રેન્ચાઇઝીએ 20.5 કરોડ રૂપિયાની મોટી રકમ ચૂકવીને ખેલાડીને પોતાની ટીમમાં સામેલ કર્યો હતો. ત્યારથી એવી અપેક્ષા રાખવામાં આવી રહી હતી કે આ ખેલાડીને કેપ્ટનશિપની જવાબદારી આપવામાં આવી શકે છે. હવે કમિન્સની કેપ્ટન તરીકે નિમણૂક થતાં હૈદરાબાદના કરોડો ચાહકોમાં ખુશીની લહેર છે. છેલ્લી 3-4 સિઝનમાં હૈદરાબાદનું પ્રદર્શન કંઈ ખાસ નહોતું. સોશિયલ મીડિયા પર એવી પણ માંગ ઉઠી હતી કે કેપ્ટન બદલવો જોઈએ. હવે હૈદરાબાદે મોટો નિર્ણય લીધો છે અને પેટ કમિન્સને નવો કેપ્ટન બનાવ્યો છે.