- RCB અને CSK વચ્ચે 18 મેના રોજ યોજાશે
- મેક્સવેલે આ સીઝનમાં આઠ મેચોમાં કુલ 36 રન બનાવ્યા છે
- મેક્સવેલે જ પોતાનું સ્થાન અન્ય ખેલાડીને આપવાની કરી હતી રજૂઆત
RCB અને ચેન્નાઈ વચ્ચે 18મી મેના રોજ મેચ છે, પરંતુ તે પહેલા રોયલ ચેલેન્જર્સ બેંગ્લોરે મોટો સંકેત આપ્યો છે. આરસીબીના મુખ્ય ખેલાડી ગ્લેન મેક્સવેલના સંદર્ભમાં આ સંકેત છે. RCBએ મેક્સવેલનો ફોટો સોશિયલ મીડિયા પર પોસ્ટ કર્યો છે અને તેના કેપ્શનમાં લખ્યું છે, 'અંડરટેકર થીમ બેકગ્રાઉન્ડમાં ચાલે છે'. એવું માનવામાં આવે છે કે ચેન્નાઈ સામેની મેચમાં મેક્સવેલનો ટીમમાં સમાવેશ કરવાનો આ સંકેત છે. નોંધનીય છે કે IPL 2024માં પ્લેઓફની રેસ ઘણી રસપ્રદ બની ગઈ છે. RCB અને CSKની નજર પણ પ્લેઓફ પર છે. જો કે આ માટે 18 મેના રોજ યોજાનારી મેચમાં જીત મેળવવી મહત્વપૂર્ણ રહેશે. બંને ટીમો આ મેચની તૈયારીમાં વ્યસ્ત છે.
જેકની જગ્યાએ પરત ફરશે
એ પણ રસપ્રદ છે કે ગ્લેન મેક્સવેલ આ સિઝનમાં બેટથી કંઈ ખાસ કરી શક્યો નથી. શરૂઆતના રાઉન્ડમાં ખરાબ પ્રદર્શન બાદ મેક્સવેલે માનસિક અને શારીરિક બ્રેક પણ લીધો હતો. ત્યારબાદ તેના સ્થાને વિલ જેક્સને તક આપવામાં આવી હતી. આરસીબી માટે વિલ જેક્સે શાનદાર બેટિંગ કરી હતી. તેણે એક સદી સહિત કુલ 230 રન બનાવ્યા હતા. હવે વિલ જેક્સ ઈંગ્લેન્ડ પરત ફર્યો છે. આવી સ્થિતિમાં મેક્સવેલ માટે તેની જગ્યા ફરીથી પ્લેઈંગ ઈલેવનમાં બની રહી હોય તેવું લાગી રહ્યું છે. તમને જણાવી દઈએ કે ગ્લેન મેક્સવેલ આ સિઝનમાં RCB માટે કુલ આઠ મેચ રમી ચૂક્યો છે. આ આઠ મેચોમાં કુલ 36 રન બનાવ્યા છે, જેમાં તેનો સર્વોચ્ચ સ્કોર 28 રન છે. આ સાથે જ તેણે બોલિંગમાં પાંચ વિકેટ ઝડપી છે.
મેક્સવેલે આ વાત કહી હતી
નોંધનીય છે કે રોયલ ચેલેન્જર્સ બેંગ્લોરની સાત મેચમાં છઠ્ઠી હાર બાદ મેક્સવેલે કહ્યું હતું કે વ્યક્તિગત રીતે મારા માટે આ ખૂબ જ સરળ નિર્ણય હતો. છેલ્લી મેચ પછી હું ફાફ અને કોચ પાસે ગયો અને કહ્યું કે કદાચ મારી જગ્યાએ કોઈ બીજાને અજમાવવાનો સમય આવી ગયો છે. નોંધનીય છે કે મેક્સવેલ IPL 2024માં શાનદાર ફોર્મમાં હતો. નવેમ્બરની શરૂઆતથી મેક્સવેલે 17 T20 મેચોમાં 42.46ની એવરેજ અને 186ની આસપાસના સ્ટ્રાઈક રેટથી 552 રન બનાવ્યા છે અને આ સમયગાળા દરમિયાન તેણે બે સદી પણ ફટકારી છે. પરંતુ પછી તેનું પરફોર્મન્સ IPLમાં જોવા મળ્યું નહીં.
