- આજે BCCI અને IPL ટીમના માલિકોની બેઠક યોજાશે
- BCCIએ વિદેશી ખેલાડીઓ વિરુદ્ધ કાર્યવાહી કરી શકે છે
- આ મુદ્દાએ IPL મેનેજમેન્ટને વિચારવા મજબૂર કરી દીધું છે
BCCI અને IPL ટીમના માલિકોની બેઠક પહેલા જ એક મોટો ખુલાસો થયો છે. એક મીડિયા રિપોર્ટમાં કહેવામાં આવ્યું છે કે IPL ટીમોના માલિકોએ વિનંતી કરી છે કે BCCIએ વિદેશી ખેલાડીઓ વિરુદ્ધ કાર્યવાહી કરે જેઓ અંતિમ ક્ષણે સ્પર્ધામાંથી પોતાનું નામ પાછું ખેંચે છે. આ મુદ્દો એક-બે નહીં પરંતુ મોટાભાગની ફ્રેન્ચાઇઝીઓ દ્વારા ઉઠાવવામાં આવ્યો છે, તેથી ભારતીય ક્રિકેટ કંટ્રોલ બોર્ડ ટૂંક સમયમાં આ વિષય પર મોટો નિર્ણય આપી શકે છે.
વિદેશી ખેલાડીઓ પર લેવાશે નિર્ણય
એક એહેવાલ અનુસાર જેસન રોય, એલેક્સ હેલ્સ અને વાનિન્દુ હસરંગા સહિતના ઘણા ખેલાડીઓએ છેલ્લી ઘડીએ ઘણી વખત ટુર્નામેન્ટમાંથી તેમના નામ પાછા ખેંચી લીધા છે. હરાજીમાં ઓછા પૈસા મળવાને કારણે ઘણીવાર આવું થાય છે. આ મુદ્દાએ IPL મેનેજમેન્ટને વિચારવા મજબૂર કરી દીધું છે. સામાન્ય રીતે ખેલાડીઓ અંગત કારણો અને ઈજાને ટાંકીને ટુર્નામેન્ટ ન રમવાનું નક્કી કરે છે. ઘણી ટીમોના મેનેજમેન્ટ માટે આ સમસ્યા બની ગઈ છે.
IPL 2025 મેગા ઓક્શન પર પણ નજર
એવું પણ જોવામાં આવ્યું છે કે ઘણા ખેલાડીઓ મેગા ઓક્શનને વધુ મહત્વ આપતા નથી. તેના બદલે તેઓ મીની ઓકશનમાં ભાગ લેવા માંગે છે કારણ કે મીની ઓકશન તેમને મેગા ઓકશન કરતા મોટી રકમ મેળવી શકે છે. આ પહેલા પણ BCCI અધિકારીઓ અને આઈપીએલ ટીમના માલિકો વચ્ચે બેઠકો થઈ ચૂકી છે, પરંતુ આ વખતે ઘણા મોટા મુદ્દાઓ પર વિચારણા થઈ શકે છે.
IPL 2024ની વાત કરીએ તો ડેવિડ વિલી અને જેસન રોય સહિત ઘણા પ્રખ્યાત ખેલાડીઓએ ટૂર્નામેન્ટમાંથી પોતાના નામ પાછા ખેંચી લીધા હતા. 31મી જુલાઈએ યોજાનારી આ બેઠકમાં મેગા ઓક્શન, ટીમ પર્સ અને ઈમ્પેક્ટ પ્લેયરના નિયમો પર પણ મોટા નિર્ણયો લેવામાં આવી શકે છે.
