ભારત અને બાંગ્લાદેશ વચ્ચે 27 સપ્ટેમ્બરથી કાનપુરમાં બીજી ટેસ્ટ મેચ રમાશે. આ ટેસ્ટ માટે BCCIએ હજુ સુધી ટીમ ઈન્ડિયાની જાહેરાત કરી નથી. ચેન્નાઈમાં રમાઈ રહેલી પ્રથમ ટેસ્ટમાં ભારતીય ટીમની જીત લગભગ નિશ્ચિત છે. આ ટેસ્ટ સમાપ્ત થયા બાદ બીજી ટેસ્ટ માટેની ટીમની જાહેરાત કરવામાં આવશે.
રિપોર્ટ અનુસાર બીજી ટેસ્ટમાં ટીમ ઈન્ડિયામાં ઘણા બદલાવ જોવા મળી શકે છે. સ્ટાર ફાસ્ટ બોલર જસપ્રીત બુમરાહને બીજી ટેસ્ટમાં આરામ આપવામાં આવી શકે છે. ચેન્નાઈમાં રમાઈ રહેલી પ્રથમ ટેસ્ટમાં ટીમ ઈન્ડિયાએ ત્રણ ફાસ્ટ બોલરો સાથે એન્ટ્રી કરી છે. જોકે કાનપુરમાં બે ફાસ્ટ બોલર અને ત્રણ સ્પિનરો રમે તેવી શક્યતા છે.
ઈશાન કિશનની થઈ શકે વાપસી
વિકેટકીપર બેટ્સમેન ઈશાન કિશને દુલીપ ટ્રોફીમાં સદી ફટકારી હતી. તે શાનદાર ફોર્મમાં છે. આ પહેલા તેણે બુચી બાબુ ટૂર્નામેન્ટમાં પણ સદી ફટકારી હતી. આવી સ્થિતિમાં ઈશાન કિશનને બીજી ટેસ્ટ માટે ટીમ ઈન્ડિયામાં સામેલ કરવામાં આવી શકે છે. તે રિઝર્વ ઓપનર તરીકે 15 સભ્યોની ટીમનો ભાગ બની શકે છે.
યશ દયાલ પણ થઈ શકે છે બહાર
BCCIએ ચેન્નાઈમાં રમાઈ રહેલી પ્રથમ ટેસ્ટ માટે 16 સભ્યોની ટીમની જાહેરાત કરી હતી. લેફ્ટ આર્મ ફાસ્ટ બોલર યશ દયાલને પ્રથમ વખત ટીમમાં જગ્યા મળી છે. જો કે હવે બીજી ટેસ્ટ માટે 15 સભ્યોની ટીમ પસંદ કરી શકાય છે. આવી સ્થિતિમાં યશ દયાલને પણ ટીમમાંથી દૂર કરવામાં આવી શકે છે.
બીજી ટેસ્ટ માટે ભારતની સંભવિત 15 સભ્યોની ટીમ
રોહિત શર્મા (કેપ્ટન), યશસ્વી જયસ્વાલ, ઈશાન કિશન, શુભમન ગિલ, વિરાટ કોહલી, કેએલ રાહુલ, સરફરાઝ ખાન, રિષભ પંત (વિકેટકીપર), ધ્રુવ જુરેલ (વિકેટકીપર), રવિચંદ્રન અશ્વિન , રવિન્દ્ર જાડેજા, અક્ષર પટેલ, કુલદીપ યાદવ, મોહમ્મદ સિરાજ અને આકાશ દીપ.
