BCCI, IPL અને જાહેરાતોથી કરોડોની કમાણી કરે છે kl rahul, જાણો નેટવર્થ

• BCCI, IPL અને જાહેરાતોથી કમાય છે અંદાજે 75 કરોડ રૂપિયા
  
• રાહુલ BCCIના એ ગ્રેડ કોન્ટ્રાક્ટમાં સામેલ
• આ કોન્ટ્રાક્ટથી વર્ષે 5 કરોડ રૂપિયા કમાય છે

 રાહુલ-આથિયા આજે લગ્નના બંધનમાં બંધાશે, ભારતના સ્ટાર બેટ્સમેન રાહુલ એક્ટ્રેસ આથિયા શેટ્ટી સાથે લગ્ન કરશે. મળતી માહિતિ અનુસાર આ લગ્ન સુનીલ શેટ્ટીના ખંડાલાના ઘરમાં ધામધૂમથી લગ્નના ફંક્શન થઈ શકે છે. લગ્નમાં ખાસ લોકોને જ બોલાવવામાં આવ્યા છે. તેને સીક્રેટ રાખવાનો પ્રયાસ કરાયો છે. જો કે લગ્નની તૈયારીઓની ચર્ચા છેલ્લા કેટલાય દિવસોથી ચાલી રહી છે.આઈપીએલના મોંઘા ખેલાડીઓમાંથી એક રાહુલ છે અને લગ્નમાં કોઈ ખામી રાખવા ઈચ્છતા નથી.

કેટલી છે રાહુલની નેટવર્થ

રાહુલની નેટવર્થની વાત કરવામાં આવે તો બીસીસીઆઈ અને આઈપીએલની મદદથી અને આ સિવાય જાહેરાતોથી તે કરોડોની કમાણી કરી લે છે. રાહુલ બીસીસીઆઈના એ ગ્રેડ કોન્ટ્રાક્ટમાં સામેલ છે. જ્યાંથી તેમને દર વર્ષે 5 કરોડ રૂપિયા મળે છે. તે આઈપીએલની ફ્રેન્ચાઈઝી લખનઉ સુપર જાયન્ટ્સના કેપ્ટન પણ છે. લખનઉએ તેમને 17 કરોડ રૂપિયામાં ખરીદ્યા છે. તે અનેક બ્રાન્ડની જાહેરાત પણ કરે છે. કુલ મળીને તેમની નેટવર્થ અંદાજે 75 કરોડ રૂપિયાની આસપાસ છે.