- મોહમ્મદ શમી વર્લ્ડ કપ 2023થી ક્રિકેટના મેદાનથી દૂર છે
- મોહમ્મદ શમીએ ટ્રેનિંગના કેટલાક વીડિયો પણ શેર કર્યા હતા
- શમીએ પોતાની વાપસીને લઈને એક મોટું અપડેટ આપ્યું છે
ટીમ ઈન્ડિયાનો સ્ટાર ફાસ્ટ બોલર મોહમ્મદ શમી વર્લ્ડકપ 2023થી ક્રિકેટના મેદાનથી દૂર છે. તાજેતરમાં જ મોહમ્મદ શમીએ તેના સોશિયલ મીડિયા એકાઉન્ટ પર તેની ટ્રેનિંગના કેટલાક વીડિયો પણ શેર કર્યા હતા. આ પછી એવી અપેક્ષા રાખવામાં આવી રહી હતી કે તે જલ્દી જ ક્રિકેટના મેદાનમાં પરત ફરશે. જોકે, દુલીપ ટ્રોફીમાં પણ તેને કોઈ ટીમમાં સામેલ કરવામાં આવ્યો ન હતો. આ દરમિયાન મોહમ્મદ શમીએ પોતાની વાપસીને લઈને એક મોટું અપડેટ આપ્યું છે.
શમીએ તેની વાપસીને લઈને આપ્યું મોટું અપડેટ
આ મહિનાની શરૂઆતમાં, શમીએ ઈસ્ટ બંગાળ ક્લબના સન્માન સમારોહમાં ભાગ લીધો હતો. આ દરમિયાન જ્યારે તેને પૂછવામાં આવ્યું કે તે ક્યારે પરત ફરશે તો શમીએ કહ્યું હતું કે, 'હું ક્યારે પરત ફરીશ તે કહેવું મુશ્કેલ છે. મને આશા છે કે ટીમ ઈન્ડિયાની જર્સી પહેલા બંગાળની જર્સીમાં જોવા મળશે. હું પરત ફર્યા બાદ બંગાળ માટે બે-ત્રણ મેચ રમીશ, જેથી હું મારી જાતને આંતરરાષ્ટ્રીય મેચો માટે તૈયાર કરી શકું.
અગરકરે શમી વિશે કહી મોટી વાત
જ્યારે શ્રીલંકા પ્રવાસ માટે ટીમ ઈન્ડિયાની જાહેરાત કરવામાં આવી રહી હતી ત્યારે મુખ્ય પસંદગીકાર અજીત અગરકરે કહ્યું હતું કે, 'બાંગ્લાદેશ સામે પ્રથમ ટેસ્ટ મેચ 19 સપ્ટેમ્બરથી રમાવાની છે. અમારો પ્રયાસ છે કે તે આ પહેલા ફિટ થઈ જાય. અમે તેમના માટે કોઈ સમય મર્યાદા નક્કી કરી નથી. આ વખતે મારે NCAના લોકોને પૂછવું પડશે.
શમી 2023 પછી ODI વર્લ્ડકપમાંથી બહાર
મોહમ્મદ શમીએ ODI વર્લ્ડકપ 2023માં શાનદાર પ્રદર્શન કર્યું હતું. તેણે માત્ર સાત મેચમાં 10.70ની એવરેજ અને 5.26ના ઈકોનોમી રેટથી 24 વિકેટ લીધી હતી. જો કે આ દરમિયાન તેને પગમાં ઈજા થઈ હતી. વર્લ્ડકપ બાદ જ તેની એડીનું ઓપરેશન કરાવ્યું હતું. આ ઈજાના કારણે શમી ઈન્ડિયન પ્રીમિયર લીગ 2024 અને ICC T20 વર્લ્ડકપ 2024 રમી શક્યો ન હતો.
